الثقافة الحسية - HD Islamic Sexual Education
تدريب الثقافة الجنسية لأولياء الأمور
الثقافة الجنسية لأولياء الأمور
هل تدريب الثقافة الجنسية للأطفال حاجة مهمة؟ يا ترى احنا بنعتبر الثقافة الجنسية جزء مهم في تربية الأطفال ولا بنهمله؟
الثقافة والتربية الجنسية بالنسبة للطفل مش أقل أهمية عن التربية الأخلاقية والعلمية، لازم طفلك يتعلم بالتدريج الثقافة الجنسية، ده من حقه، لكن للأسف كتير من الآباء بيحس بالإحراج في الكلام عن الموضوع ده ولو حد من أولاده سأله ممكن ينهره ويعاقبه باعتبار أن دي قلة أدب أو يتهرب منه أو يقوله معلومات غلط عشان يعدي الموضوع أو يجبره أنه ينسى الموضوع ده لكن طبعاً الطفل مش بينسى وهيبدأ يدورعلى مصدر تاني يعرف منه إجاباته على الأسئلة اللي بتدور في ذهنه. كتير من الآباء بيهملوا عن عمد الثقافة الجنسية للأبناء ظنا منهم أنها حاجات فطرية وكده كده هتتعرف، أو بيكونوا شايفين أنه عيب وميصحش نتكلم مع ولادنا في الحاجات دي وبينسوا أنهم ممكن يعرفوا المعلومات دي بشكل خاطىء من الانترنت أو من كلام الأصحاب وغيره. ده غير أننا بنعرّض أولادنا لخطر التحرش والاعتداء الجنسي من غير ما نحصنهم ولا نعلمهم ازاي يتجنبوا الخطر ده واللي غالبا بيأثر بشكل سلبي عليهم طول حياتهم. طيب لو أي أم وأب قرروا يعلموا أطفالهم الثقافة الجنسية، المفروض يعملوا ايه؟ بيتوالى على دماغ الآباء كتير من الأسئلة المحيرة في موضوع تربية الثقافة الجنسية للأطفال زي:
- ايه السن المناسب اللي اتكلم فيه مع أولادي عن الثقافة الجنسية؟
- ايه المعلومات المناسبة عن الثقافة الجنسية لكل سن؟
- ازاي أقدم لهم المعلومات الجنسية بشكل مناسب وصحيح باستخدام ألفاظ مناسبة لهم؟
- ايه اللي الآباء محتاجين يتعلموه عشان يثقفوا أولادهم ثقافة جنسية صحيحة؟
- ازاي أضمن نجاح تدريب الثقافة الجنسية للأطفال؟
قصص مختلفة
- دي قصة بنت كبرت على عادات عيب وميصحش نتكلم في الأمور الجنسية دي أو نفهمها فلما جت تتجوز ليلة الزفاف قعدت تصوت لما جوزها قرب منها وده بسبب أنها متربتش على ثقافة جنسية صحيحة وكان عندها أفكار كتير مغلوطة كونتها من صحباتها ومن الانترنت، وللأسف النتيجة كانت سيئة.
- دي قصة شاب من أول ليلة زفافه وطول زواجه كان بيتفرج على أفلام إباحية عشان يعرف يعمل ايه والنتيجة أنه بقى مدمن أفلام إباحية وحياته الزوجية انتهت وده بسبب أن محدش رباه على الثقافة الجنسية الصحيحة، محدش وعاه وفهمه الصح من الغلط.
- ودي قصة طفل اتعرض للتحرش أكتر من مرة ومكانش فاهم يعمل ايه ولا يحمي نفسه ازاي وخاف يحكي لأي حد وتم اكتشاف الموضوع بالصدفة بعد ما بقى عنده عقدة نفسية، وده بسبب إهمال الأم والأب لتدريب الطفل على الثقافة الجنسية الصحيحة.
- وغيرها قصص كتير حقيقية منها وما خفيَ كان أعظم، عشان كده تدريب الثقافة الجنسية للأطفال من أهم التدريبات الواجب على كل أم وأب تعلمها عشان يقدروا يربوا أولادهم صح ويتفادوا أخطار ومشاكل نفسية كتير.
تدريب الثقافة الجنسية للأطفال
تدريب الثقافة الجنسية للأطفال متاح عندنا في مؤسسة هويدا الدمرداش واللي بيقوم بالآتي:
- بيقدم المعلومات اللازمة لكل الآباء والأمهات اللي محتاجين يعلّموها لولادهم عشان يقدروا يحموهم من المعلومات الغلط الكتير اللي في المجتمع حواليهم واللي بتفسد نظرتهم للثقافة الجنسية و بتعمل لهم مشاكل كتير بتظهر في سن المراهقة.
- تعليم الآباء والأمهات معلومات خطيرة من خلال تدريب الثقافة الجنسية للأطفال عن مشكلة العصر وهي مشاهدة الأفلام الإباحية وازاي يحموا أولادهم من آثارها المؤسفة عليهم.
- معلومات مهمة عن ليلة الزفاف لأي أب و أم ولادهم على وشك الزواج من خلال تدريب الثقافة الجنسية.
- معلومات مهمة عن كيفية تجديد العلاقة بشريك الحياة من أول و جديد كزوجين و كنصيحة للأبناء المتجوزين من خلال تدريب الثقافة الجنسية.
أهمية تدريب الثقافة الجنسية للأطفال
- حمايتهم من خطر التحرش والانتهاكات.
- حمايتهم من الوقوع في ممارسات جنسية غير صحيحة أو منحرفة.
- تعليمهم الثقافة الجنسية الصحيحة.
- التهيئة للتغيرات الجنسية التي تحدث لهم أثناء البلوغ خاصة البنات.
- تعرف الأطفال على جسدهم دون الوقوع في خطر العادات والممارسات الخاطئة.
- تصحيح المفاهيم المغلوطة و توضيح الأمور الغامضة بشكل صحيح.
- معرفة ما يدور في ذهن طفلك.
- تعزيز القيم الصحيحة بداخله.
تدريب الثقافة الجنسية للأطفال لا يعتبر أبداً رفاهية خاصة في الوقت ده اللي كل حاجة فيه بقت متاحة بسهولة وسهل الوصول إليهابتكة زرار؛ أطفالنا محتاجين معلومات صحيحة عن الثقافة الجنسية مننا احنا الأب والأم لأننا بنمثل القدوة ليهم وهم بيستمدوا ثقتهم مننا. لازم نعرف كأب وأم إن التربية الجنسية والثقافة الجنسية بشكل صريح ومناسب مع طفلك بيلعب دور كبيرفي تربيته وتنميته جنسياً بشكل سوي، عشان كده لازم نستعد احنا لده بشكل صحيح ونتعلم ايه المعلومات المهمة المناسبة لكل مرحلة ونستعد نفسيا للإجابة عن كل الأسئلة اللي بتخطر في بالهم عن الأمور الجنسية وإياكم وتخويفهم.
واحنا دورنا نعرفك عن طريق تدريب الثقافة الجنسية للأطفال ازاي تختار الأسلوب المناسب للعمر المناسب، وازاي تتطور في الحديث عن الموضوع كمناقشة مستمرة حسب استجابةً طفلك في عمره، وكمان هنعلمك ازاي تعلّم طفلك بشكل عملي تجنب خطر التحرش وكيفية التصرف في حالة التعرض للخطر ده.
مين محتاج يحضر تدريب الثقافة الجنسية للأطفال؟
- كل أب و أم.
- كل زوجين.
- كل مربي ومُعلم.
- كل شخص جاد مهتم بالثقافة الجنسية الصحيحة.
لازم نكون عارفين أن الاستعداد لتربية الأولاد تربية جنسية صحيحة مهم لأنك بتعرف ايه المصطلحات المناسبة وغير المناسبة للاستخدام، وبتهييء نفسك لأي سؤال من أولادك وبتفكر ازاي هتستخدم مع طفلك لغة سهلة ومبسطة عشان تفهمه وتوعيه بشكل كافي ومناسب لعمره، وده اللي بيقدمه تدريب الثقافة الجنسية للأطفال لأنه بيراعي كل تفصيلة في عملية التربية الجنسية وبيجاوبك على أي سؤال بيدور في بالك عن الموضوع ده.
- كل أب و أم.
- كل زوجين.
- كل مهتم بالثقافة الجنسية الصحيحة.
إحجز بخطوات بسيطة
1) إدفع 500 ج.م من خلال طرق الدفع المتاحة
2) إبعت سكرين شوت للرقم ده 01000771776 لإرسال الكورس
3) املى بياناتك لو عايز حد من فريق العمل يساعدك
Please select a valid form
