علاقات زوجية يعني بنبني أقوى علاقة في الكون؛ علاقة ملهاش زي، علاقة مشتركة بين اتنين فيها تفاصيل كتير محدش يقدر يفهمها غيرهم هم بس، عشان كده بنقول أن الجواز بداية قصة الحب الحقيقى . الجواز يعني مودة يعني رحمة يعني صداقة يعني سكن يعني أمان. الجواز يعني علاقة وثيقة أصلها ميثاق غليظ مش موجود في أي علاقة تانية في الوجود. طب لما الجواز حلو كده، ليه علاقات زوجية كتير بتفشل؟ مينفعش أما نشوف قدامنا تجارب فشلت نحكم على الزواج أنه حاجة وحشة وقلتها أحسن ولو كان الزواج وحش مكانش الإسلام ومكانتش هتبقي دي سنة المرسلين. طب ليه علاقات زوجية كتير بتفشل؟ ده بسبب أسباب كتير هنتعرف عليها في كورس Family Diploma ونتعلم ازاي نتجنبها؟ لازم نكون عارفين أن العلاقة الزوجية مش مجرد حاجة فطرية زي الأكل والشرب لازم تتعمل وخلاص، لا أبدا، الزواج عفة وصيانة للجسد والنفس والروح. العلاقة الزوجية مش بتقوم على الجمال ولا الغنى ولا العيلة الكبيرة، العلاقة الزوجية بتقوم على أسس متأصلة فينا زي الأخلاق والمبادىء والدين وده كله ميمنعش اختيار الجمال والغنى والنسب والحسب بس مش هو ده الأساس لأنه متغير.