Training workshops for couples - Online/Live
تدريب المقبلين علي الزواج Belong
المقبلين على الزواج
- كتير من البنات والشباب خصوصا ً اللي فيه بينهم إعجاب أو قصة حب بيحلموا بالارتباط والزواج، بيحلموا ببيت واحد يعيشوا فيه سوا وحياتهم تكون مربوطة ببعض بس كتير منهم مفكرش ازاي الحياة دي هتكون ناجحة، ايه سبل استمرارها وكيفية الاستعداد ليها ولتحدياتها. وكتير منهم ارتبط بالفعل وبيعاني من مشاكل بس متصور أن المشاكل دي كلها هتنتهي بالجواز فمفكرش ازاي يواجهها أو يحلها.
- لازم كل شاب وكل فتاة مقبلين على الزواج يعرفوا يعني ايه شريك الحياة ويعني إيه حياة زوجية، يدركوا فكرة مشاركة شخص لكل حياتك بكل تفاصيلها الصغيرة قبل الكبيرة، عشان كده اختيار شريك الحياة لازم يكون عن وعي.
التواصل
- الحب لوحده مش كفاية عشان الارتباط يستمر بشكل ناجح، لابد من التواصل الصحيح الفعال مع شريك الحياة. التواصل الناجح بين الطرفين هو العمود الفقري لاستمرار أي علاقة بشكل سليم؛ كتيرمن الدراسات العلمية بتأكد أن التواصل الصحيح هو أساس الاستقرار الأسري والسعادة الزوجية، وأن كتير من الأزواج اللي مقدروش يتواصلوا بشكل صحيح علاقتهم انتهت.
- التواصل الفعال بيلعب دور مهم في بناء الأسرة وتحقيق الاستقرار النفسي وتربية الأبناء بشكل جيد. التواصل الفعال مش مجرد كلام، التواصل ليه أنواع كتير جدا ً زي التواصل الجسدي .
أهمية التواصل، التواصل الصحيح بين الطرفين بيحقق حاجات كتير زي:
- بيزود مساحات المشاركة والاهتمام بينهم وبالتالي بيقوي المحبة والمودة.
- يقوي الثقة وبيبني الاحترام المتبادل بين الطرفين.
- يقلل سوء التفاهم.
- يعزز الرضا بين الأزواج.
- يحقق السكينة والاستقرار.
- ولأن التواصل مهم قوي كده، فهو أحد أهم وأكبر أهداف تدريب المقبلين على الزواج لأن تدريب المقبلين على الزواج هيدربك على التواصل الناجح بين العريس و العروسة بداية من جلسة التعارف و لحد الارتباط شامل لكل المواقف التقليدية اللي بيمر بيها كل العروسين، وكمان هيدربك على الحوار الناجح اللي بنعتبره أساس أي علاقة ناجحة.
إدراك سمات الشخصية
- الاستعداد الارتباط والتواصل الصحيح مع شريك الحياة هيخليك تقدر تدرك سمات شخصية الطرف الآخر وتدرك مدى اختلافاته وتعرف مفاتيحها وازاي معاه بشكل صحيح. تعرف إيه اللي بيضايق الطرف الآخر فمتعملوش حتى لو شايفه عادي، تهتم بشريك حياتك بالشكل اللي هو يحبه مش اللي أنت تحبه، تقدر كراجل تفهم نفسيات زوجتك وتقلباتها، وتقدري كست تفهمي دماغ الراجل ونفسيته وكيفية تقديره. هتقدروا تمنحوا بعض مساحتكم الشخصية ، وتحطوا نفسكم مكان بعض، وتتواصلوا مع بعض بأسلوب بعض؛ وده من أهداف تدريب المقبلين على الزواج اللي هيدربك على التعامل الناجح مع سمات الشخصيات المختلفة لكل عروسين.
الاستعداد لسنة أولي جواز
- عارف الطفل اللي أول مرة يسيب حضن أمه ويروح المدرسة؟ بيتفاجىء بحاجات كتير مختلفة وغريبة عليه وأنه مطلوب منه يؤدي مهام معينة وفيه مواعيد للأكل والشرب والراحة لازم يلتزم بيها، وفيه ناس جديدة بطباع مختلفة عن طباع أمه وأبوه بيشوفها. الطفل ده ممكن يتقبل الموضوع و يتعامل معاه كويس لأنه اجتماعي وأمه ربته على التغيير ويتأقلم بسرعة، وممكن الطفل ده يبكي في الأول ويخاف بس بعد كده بيضكر يتأقلم، وممكن الطفل ده يفضل قلقان وخايف ورافض الحياة الجديدة دي وعايز يرجع لحضن أمه لانه مش قادر يستوعب كل ده لأنه محدش خلاه يستعد لده بشكل صحيح. سنة أولى جواز كده، سنة بتكون من أصعب سنوات الجواز لأن كل شريك حياة مطلوب منه يتقبل الحياة الجديدة دي ويتأقلم معاها ويؤدي أدوار جديدة عليه، وكل طرف بيكتشف حاجات مختلفة عنه في شريك حياته من طباع وصفات وتصرفات إلخ ونتيجة عدم فهم وتقدير ده بيحصل كتير من المشاكل والخناقات اللي بتخلي حلاوة الجواز تروح ويحصل فتور، عشان كده تدريب المقبلين على الزواج هيعرفك خطوات النجاح لسنة أولى جواز بكل تحدياتها من قيود الزوجية و أهل الزوجين و السياسة المالية المشتركة بين الزوجين، و دور كل من الزوج و الزوجة، وكيفية حل الخلافات، وكيفية لعب دور الونيس الجديد على كل واحد فيهم.
ما يجب معرفته قبل إنجاب الأطفال
- من أهم وأخطر اللي بيقدمه تدريب المقبلين على الزواج كل ما يجب معرفته قبل إنجاب الأطفال؛ التدريب ده فيه جزء خاص عشان يعلمك أسرار العلاقة الحميمة بين الزوجين بداية من مشاكل ليلة الزفاف و ما بعدها واللي يعتبر جزء مهم لا يتجزأ من الجواز ولو حصل غلط بيفسد متعة الجواز، عشان كده تدريب المقبلين على الزواج بيقدم ده بشكل علمي وجدي مفيد لكل شريك حياة.
أهداف تدريب المقبلين على الزواج
- ليه تدريب المقبلين على الزواج مهم ومفيد للطرفين؟ لأنه بيمشي معاكم خطوة بخطوة وبيعلمكم أسس الحياة الزوجية الصحيحة.
التدريب الأول للمرتبطين اسمه " التواصل بين شركاء الحياة " وهدفه:
- اجادة الحوار و ده بياخد أول تلات أيام في التدريب.
- إجادة معرفة سمات الشخصية اللي بتميز الناس عن بعض فتعرف تتعامل ازاي مع اختلافاتهم، وده بيستغرق يومين تدريب بس يومين هيقلبوا أفكارك كلها لدرجة أنك هتلاقي نفسك وأنت ماشي في الحياة عارف تميز كل بني آدم سلوكه مختلف ليه و تقنعه باللي أنت عايزه من غير شدة أو سيطرة أو عنف من خلال تدريب المقبلين علي الزواج.
التدريب الثاني للمرتبطين اسمه " سنة أولي جواز " وهدفه:
- معرفة خطوات النجاح لسنة أولى زواج بكل تحدياتها من قيود الزوجية وأهل الزوجين و السياسة المالية المشتركة بين الزوجين و كمان دور كل من الزوج و الزوجة في الحياة الزوجية، وكيفية حل الخلافات بشكل سليم، وما يجب معرفته قبل إنجاب الأطفال. وفيه جزء من تدريب المقبلين على الزواج بيتكلم عن أسرار العلاقة الحميمة بين الزوجين بشكل جاد وعلمي من أول مشاكل ليلة الزفاف و ما بعدها.
مين اللي محتاج تدريب المقبلين علي الزواج؟
- أي اتنين بينهم إعجاب وبيخططوا لعلاقة جادة.
- أي اتنين بينهم قصة حب وبيخططوا لعلاقه جادة.
- أي اتنين مخطوبين فعلياً.
- أي اتنين مكتوب كتابهم.
تدريب المقبلين على الزواج هيغير أفكاركم ونظرتكم تجاه الارتباط والجواز. تدريب المقبلين على الزواج هيعلمكم أهم أسس ومعايير الارتباط الصحيح واللي بتتلخص في التواصل والحوار والاستعداد لسنة أولى جواز. تدريب المقبلين على الزواج مش مجرد تدريب هيديكم شوية معلومات لا ده هيعيش معاكم بشكل عملي وهيغيركم للأحسن. اوعوا تتجوزوا من غير تدريب المقبلين على الزواج.
- أي اتنين بينهم إعجاب وبيخططوا لعلاقة جادة.
- أي اتنين بينهم قصة حب وبيخططوا لعلاقه جادة.
- أي اتنين مخطوبين فعلياً.
- أي اتنين مكتوب كتابهم.
إحجز بخطوات بسيطة
1) إدفع 11000 ج.م من خلال طرق الدفع المتاحة
2) إبعت سكرين شوت للرقم ده 01000771776 لإرسال الكورس
3) املى بياناتك لو عايز حد من فريق العمل يساعدك
Please select a valid form
