Relationship Tuning
Relationship Tuning
- اولا : احتياج الارتباط القلبي بشريك الحياه ..و علامة وجوده باشباع بين اي اتنين ان كل واحد فيهم يحس ان الطرف التاني هو حبيبه و شريكه و ما يتخيلش حد تاني مكانه.
- ثانيا :احتياج التواصل العقلي مع شريك الحياه ..و علامة وجوده باشباع بين اي اتنين ان يكون فيه بينهم حوار ممتع و تفاهم و ان الحوار مدته تزيد و متعته كمان تزيد و الخلافات تقل.
- ثالثا :احتياج الارتباط الجسدي بشريك الحياه.. و فيه 3 علامات بنقيسهم عشان نعرف قد ايه فيه اشباع بين اي اتنين :
- أولاً : إنك تحس ان شريك حياتك شكله عاجبك.
- ثانياً : إنك تكون بتحب لمسته بعد الجواز.
- ثالثاً : إنك تكون حاسس بإنسجام معه فيما يخص العلاقة الحميمة بينكم برده بعد الجواز.
- رابعاً :احتياج الارتباط الروحي بشريك الحياه .و ده علامة الاشباع فيه انك تحس انك عايز الشخص ده موجود قريب منك و لما بيبعد عنك بتتألم و تحس انك وحيد و ان فيه حاجه ناقصاك.
وبالتالي فتعريف Relationship Tuning
إنك تحدد بالضبط النقص حصل في اي واحد من الاربعه دول و تبتدي تملاه من تاني عشان يحصل الاشباع المطلوب. الاشباع في العلاقات بيؤدي لنجاح العلاقه اللي انت فيها بتحس انك بتحب شريك حياتك. عدم الاشباع في اي علاقه بيؤدي ان رصيد العلاقه بينسحب و تحس ان حبك بيقل و فجاه تحس انك مش قادر تكمل في العلاقه دي. ايه علامات عدم الاشباع في علاقة بين اي زوجين ؟ عادة اول نقص بيحصل بيكون في الادارك او الانسجام العقلي . و ده بيكون سببه سوء التواصل و عدم وجود حوار حقيقي ممتع بين الزوجين. و النقص بيزيد لما تزيد الخلافات مع كل حوار بينهم.ممكن قوي اتنين بيحبوا بعض قوي لكن كل ما يتكلموا بيتخانقوا و بالتالي سوء التواصل بينهم بيخلي التواصل العقلي يوصل للزيرو و يحصل الخرس الزوجي.
للاسف بعد الانسحاب في الانسجام العقلي بيحصل انسحاب في الانسجام القلبي و الطرفين بيحسوا بجفاء و بمرور الايام بتزيد الفجوه و تتحول الى نفور.بعد ده كله بيحصل تباعد بينهم في الجسد و بالتالي مجرد لمس واحد فيهم للتاني بيسبب احساس بالضيق و يبتدي الناس يتهموا بعض بالبرود.و بعدها يحصل احساس بالغربه في العلاقه. و الرغبه في البعد عن الشخص اللي كان في يوم من الايام حبيب و من غيره كنت بتحس بوحده.مين اللي بيساعدك ترصد و تصلح في ارصدة العلاقه اللي تهمك ؟احنا كمؤسسه تعمل في مجال العلاقات من 2006 – بفضل الله – طبقنا ال Relationship tuningعلى الاف الحالات و رصدنا نجاح الالاف منهم بعدها و بقينا بنعلم الخبراء ازاي يطبقوا ده في اي علاقه ناجحه سواءا في مجال الاسره او العمل او كل مجالات الحياة.
