من نصائح فترة الخطوبه
مشكلتي في فترة الخطوبه اني بحب خطيبي جدًا لدرجة الجنون، صعب جدًا اتخيل إنه يبعد عني أو إن يكون في فحياته حد غيري، هو كمان بيحبني و بيحترمني جدًا لكن حب من نوع مختلف؛ حب وبس! و أنا مستنيه أكتر من كده في فترة الخطوبه.
يعني هو كشخص مقسم حياته على أشخاص، وكل واحد ليه مساحة، أنا مساحتي معاه متتعداش كلامنا عن البيت والعفش والكلام الحلو وبس في فترة الخطوبه، زي بالظبط مساحة أي مهندس عنده في الشركة متتعداش كونه مهندس، وهكذا، مساحتي في حياتة هي دي وبس، بحسه هيتجوزني عشان يبقى في واحدة ست في حياته لكن مش عشان ابقى أنا كل حياته!
أنا نفسي اوصل لمرحلة إن أنا الشخص الوحيد اللي بيشاركه في كل حاجة بس مش عارفة هو مش مديني المساحة دي ليه خاصه اننا في فترة الخطوبه ، لما بحاول افتح معاه أي موضوع بينهيه بسرعة من غير استفاضة وكأنه قافل على نفسه معايا!
وبقول انه بيعمل كده معايا انا عن قصد لاني عرفت من واحدة صحبتي إن في صاحبة ليه تانية هو بيحكيلها كل حاجة، أنا معنديش مانع إنه يصاحب بس تبقى صداقة بس ليه يديها مكانه ازيد من مكانتها وتاخد حق من حقي؟!
أنا واجهته لما عرفت، وفضلت اعيط واقوله كل الكلام دا ووعدني إنه هيحاول بس مفيش فايدة لسه بيكلمها ولسه بيحكيلها، حتى اهتمامه بيها بقى ازيد من الأول وبدل ما كان بيكلمها من ورايا بقت كل حاجة من قدامي، لدرجة إنه ساعات بيقفل معايا عشان هي اتصلت ولازم يكلمها!
هو بيقول إنها صحبته بس ومفيش علاقة بينهم ازيد من كدا ومينفعش يكون في ازيد من كدا، وفوق من دا دايمًا بيقولي إنتِ حاجة وهي حاجة تانية ليه بتقارني نفسك بيها؟!
أنا مش بقارن نفسي بيها بس عايزة جوزي فيما بعد يبقى ليا لوحدي مش هتحمل حد يشاركني فيه خاصة لو كانت واحدة ست، أيًا كان مسمى علاقتهم، دا حقي وأنا مش قابلة اتنازل عنه و لازم يبان خلال فترة الخطوبه.
التعليق:
العلاقه دي بين بطلي القصه تعرض عدم التكافؤ في بند مهم من بنود منطقه خطيره اسمها المباديء .
عدم الاتفاق في نقطه هامه زي دي يعتبر deal breaker في العلاقه حتي في فترة الخطوبه.
لان عدم التكافؤ في منطقه حساسه زي دي بيخلي طرف زعلان من طرف و في نفس الوقت الطرف التاني بيكون شايف انه مش بيعمل حاجه غلط .
تقليدي جدا في قصص كتيره زي دي ان الوضع يفضل كده مكتوم لكن عرضه للانفجار في اي وقت. سواء خلال فترة الخطوبه أو بعد كده.
يعني بطلة القصه مبادئها لا تسمح بعلاقة صداقه بين الجنسين فمش مقبول بتاتا انها ترتبط بواحد يعترف و يدافع عن حقه في وجود صديقات له من الجنس الاخر طالمت دخل فترة الخطوبه.
النتيجه الحتميه ان اول ما بطلة القصه تزهق من صبرها عليه و من احباطها باستمرار نتيجه لرفضه للالتزام بمباديء لا تمثله ..ان توقعها بيكون غير منطقي – بغض النظر هل ده صح او غلط – و بالتالي فالانفصال هيحصل في العلاقه دي مهما كانت درجة التعلق بين الطرفين سواء خلال فترة الخطوبه أو حتي لو تماسكت العلاقه لما بعد فترة الخطوبه.
كل طرف من اطراف ابطال القصه كان محتاج يكون على وعي كامل بنفسه و بايه اللي يقبله و يقدر يتعايش معه و ايه اللي ما يقبلوش قبل ما يتورط في انه يسلم قلبه لحد عشرته ما تناسبوش و هيضطر يستنى لما رصيده يخلص عشان يقدر ينفصل عنه و ياعالم ده هياخد من عمره قد ايه حتي لو تعدي فترة الخطوبه.
طبعا يفضل دايما الحل المثالي ان حد فيهم يغير مبادئه باقتناع و عن طيب خاطر و يؤمن بمباديء الاخر بدون ما يمثل على نفسه عشان الاتنين دول يعرفوا يكملوا العلاقه لاخرها و يتخطوا فترة الخطوبه الي زواج سعيد. لو حد فيهم غير موقفه و وافق على حاجه ظاهريا فقط فهو هيكسب وقت بس لكن مش هيعرف يكمل للاخر بعد فترة الخطوبه و طبعا كل يوم هو موجود فيه في علاقه غير مناسبه بيضيع من عمره بدون بناء حقيقي لحياته كشريك حياه في علاقه يمكنها الصمود للنهايه.
اعرف أكتر عن خدمات استشارات المقبلين علي الزواج.
