العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٨م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

9 محمد توفيق وهبه ، مدينة نصر ، القاهرة‬

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

مش عارف اتكلم مع مراتي!

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

هي:
جوزي ما بيعرفش يهتم بي. و مش بيتكلم معايا خالص. باحس و انا قاعده معه اننا عندنا 50 سنه و احنا لسه في اواخر العشرينات.
لو انا ما فتحتش موضوع مش هيتكلم. و لو سافرنا مشوار بالعربيه 5 ساعات نتفسح مش هيفتح بقه باي كلمه.
انا عودته اني اعمل كل حاجه حتى الحوار. انا اللي ابتدي الحوار فهو يستجيب بردود قصيره و عايز يسمعني و بس لكن ما يشاركنيش برد او راي او قرار.
هو فاكر انه كده مريحني و سايبني على راحتي بس الحقيقه انا شايفاه سلبي ومالوش دور في حياتي.
احيانا باضطر استفزه و افتعل مشكله عشان يتكلم. لما باطلب منه اي حاجه بيعملها . و هو عشان كده شايف انه زوج مثالي و رائع عشان مش بيقول لي على حاجه لا ابدا.
هو مش بيعمل حاجه في حياته غير انه يشتغل و بس. اه هو كريم جدا معايا انا و الولاد بس انا طلباتي مش ماديه . انا الحوار بيننا بيسعدني اكتر من مليون هديه غاليه.
لما اقول له نتفرج على فيلم. يقعد يتفرج جنبي و شويه و اسمع صوت شخيره و هو نايم.
هو عاشق للنوم و انا مش بحب النوم خالص.
تعبت من كتر ما قلت له ” نفسي تشاركني. نفسي يكون بيننا حوار “. بيهز راسه و يقول لي “حاضر “و يرجع لصمته.
باكتشف بالصدفه او من خلال السوشال ميديا انه محقق نجاحات في شغله كبيره و انه اسم كبير في مجاله. لما باعرف و اواجهه و اقول له ” ليه مش بتقول لي ؟ ليه مش بتشاركني؟” يقول لي ” عادي يعني انا ماكنتش فاهم انها حاجه تتحكي”.
احنا اتجوزنا عن حب. كنت بحبه اكتر من نفسي. كنت باتكلم معه في كل حاجه و باحكي له كل تفاصيل حياتي و مشاعري و افكاري و كنت مبسوطه قوي انه بيسمع باهتمام و مش بيقاطعني و لما اساله الاقيه متابعني.
لكن بعد 3 سنين جواز اكتشفت اني عايشه لوحدي بالرغم من وجوده . و انه مالوش دور في اي حاجه في حياتي. و اني ماليش اي وجود في حياته. و هو كمان مش بيحتاجني و مالوش طلبات مني. اعمل اكل زي ما اعملش . البس و اتشيك زي ما البسش . اكلمه زي ما اكلموش. انا هوا. انا لا شيء.
انا تعبت و مش قادره على الوحده دي. لو انفصلت عنه هارتاح من الم احساسي اني باستجدي منه الاهتمام و مش بالاقيه.

لسه بحبه بس حاسه اني عايزه اتطلق.
هو :
احنا قصة حب كبيره و انا ما اقدرش استغنى عنها. هي بتشتكي كتير و انا باحاول استوعبها و احتويها بس هي مش بتزهق من الشكوى و انا مش بازهق من الصبر عليها.
انا شغلي مرهق جدا و انا حققت فيه نجاحات كبيره و ده عامل علي ضغط كبير لاني ما اقدرش افشل. لو فشلت كل الناس هتشهد على فشلي لاني خلاص بقيت معروف. النجاح ضغط كبير و محتاج تركيز عشان تحافظ عليه. و انا لازم احافظ عليه لاني عندي طموحي و كمان عشان اوفر لها العيشه اللي هي بتحب تعيشها. صحيح هي ست بيت مدبره و مش متطلبه لكن عندها اساسيات في حياتها لا يمكن تستغنى عنها مهما كانت ظروفي الماديه.

و انا عشان بحبها باراقبها و باعرف كل اللي بيسعدها و باحاول اوفره لها و هي مقدره لي ده و بتشكرني عليه لكن بترجع تعاتبني و تقول لي : بس مش ده اللي بيسعدني.
انا شايف الكلام ده متناقض قوي مع تفاصيل العيشه اللي هي عايشاها. انا ممكن اسفرها بره سفريه تكلفني فلوس كتير و ابذل جهد كبير عشان احقق لها كل احلامها في السفريه و لما نرجع لازم نرجع بنفس لائحة المصاريف الطبيعيه للبيت من غير ما تنقص باكو بسكوت حتى .

و ترجع تبص لي بعينيها الحلوين و بكل سذاجه و حنيه تقول لي “مفيش مشكله تشتغل اقل و تكسب اقل بس المهم يكون لنا وقت نتكلم مع بعض.”
اما عن الكلام بقى فده صداع لوحده.
لما احكيلها اي تحديات بتقابلني في الشغل او مع عيلتي او اي مشاكل نفسيه او ماديه فجأه تتحول لشخص تاني و تقعد تديني محاضره و تنظر لي . من الاخر بتبقى عامله زي بابا و ماما و تغلطني و تقول لي ” لازم تعمل كذا”. فبطلت اصدع روحي ما عدتش باحكي لها على حاجه. بس انا باسمعها باهتمام و باهتمام كبير كمان. بس لا يمكن احكي لها اي حاجه. بس النتيجه بتبقى سيئه جدا.
لما اتاخر في الشغل تزعل و تديني الوش الخشب.
انا مش باعلق عليها عشان مسئولياتها كتير في بيتنا و مع ولادنا .عايزها تعمل معايا كده و تقدر مسئولياتي انا كمان . عمري ما دخلت البيت و قلت لها ايه اللي انت لابساه ده. و لا ايه الاكل ده . انا ماليش طلبات و حريص اني اي مشوار تحتاجه اوديه لها مع اني مشغول جدا. بس في الاخر بارجع اسمع اسطونة ” انا اللي شايله كل المسئوليات لوحدي”. و لما اخرجها تقول لي ” انا اللي بافتح الحوار و انت مش بتشاركني او تحكي لي اي حاجه”.
و لما اكلمها من الشغل تقول لي ” انت لسه فاكر؟” و لما اسال عليها تقول لي ” بس كده ؟ هم نفس البقين ماعندكش غيرهم ؟”
في الفالانتاين عزمتها بره و جبت لها هديه و كالعاده كانت مش مبهوره فاتقفلت و ما عرفتش اتكلم .

المهم حاولت تفتح معايا حوار قلت طيب اتشجع تاني و هاتكلم اهه لقيتها بتسالني ” انت ايه اكتر حاجه نفسك فيها” قلت لها ” اني ادخل البيت الاقيكي بتضحكي”. راحت فتحت محاضرة الشكاوي و فضلت تلومني ساعه. و انا كعادتي باستقبل و اسكت و مش باعمل صراع و ترجع تبص لي بنفس عينيها الحلوين و تقول لي بنفس السذاجه ” انت مش بتتكلم انا بس اللي باتكلم”.

التعليق:
مشكلة سوء تواصل بدرجة امتياز.

هيفضل سوء التواصل ده هو اللي خارب اكتر من ٨٠٪ من البيوت.
يا رب بقى الناس تفهم و يتعلموا تواصل و يربوا الاجيال الجديده على حسن التواصل عشان نترحم من طلاقات مالهاش اي لزمه.

زوج مجتهد و زوجه مجتهده و برده رصيد العلاقه بينهم فيه انسحاب مستمر هيوصلهم للانفصال بدون اي داعي.
يجرى ايه بس لو شريك الحياه يفتح حوار لذيذ و يستنى شريك حياته يرد و ما ينظرش عليه و يسيبه يكمل الحوار للاخر .و لو اختلف معه في اي نقطه يقول له ” اه وجهة نظر مع اني ممكن اشوفها من زاويه تانيه . لكن انت اكيد هتوضح لي اكتر لما تشوف الزاويه بتاعتي”
هو ليه الحوار من النوع ده مش موجود في الوجود ؟
ايه اللي يعيبه يعني ؟
ليه الناس لازم تقلب الحوار سخافه و لازم ينظروا على بعض و لازم يطلعوا حد فيهم غلطان. و لازم التريقه و التبكيت بتاع “انت لسه فاكر ؟”.
لو هو الحوار عباره عن نقد و عتاب و تنظير يبقى الصمت اجمل طبعا و ده الاختيار اللي اضطر له بطل القصه. و ان كنت شايفه ان الهروب اللي عمله  عمره ما بيحل اي مشكله. لكن ده للاسف رد الفعل الوحيد اللي يعرفه عشان يخلص نفسه من مشكلة انه يضطر يسمع كلام مش عاجبه.

باقول للزوجه سيبي الباب مفتوح في الحوار و اختاري مواضيع تهمه و لو اتكلم ما تعمليش الاخطاء اللي بتقفل الحوار من اوله اللي منها -زي ما قلنا – التنظير و النقد و العتاب و السخريه و اهمهم على الاطلاق الاختراع المصري الفحيت ” التبكيت” 😊

باقول للزوج. انت عندك حق بس كفايه هروب لحد كده . اديك سكت و كبرت دماغك ايه اللي حصل؟ هي زعلت اكتر و المشكله كبرت و نبرة “عايزه اتطلق” طلعت اهيه. يعني تكبير الدماغ مش حل. انت بتعمل نص الحل انك بتسمع كويس و ده نحييك عليه. مش كتير بيعملوه و لا زوجات و لا ازواج. لكن لسه فيه حاجات تانيه تتعمل. بادر و افتح انت مواضيع لطيفه. بلاش تشتري دماغك و تقعد تكلم نفسك من غير ما تشاركها و تحسسها انها هوا.

يا ريت كمان تشاركها في 3 حاجات مهمين قوي:

اول حاجه نجاحاتك. هي هتحس ازاي انها جزء من عالمك لو انت مش بتجري عليها اول واحده و تشارك معها كل خطوة نجاح حققتها في حياتك.

و تاني حاجه تشاركها برده المشاكل و التحديات اللي بتقابلك. هي لو مش بتاخد فرصه تقف جنبك هتحس انها مالهاش قيمه في حياتك و انك مش بتثق في رايها و ان انت بس اللي بتفهم و هي لا. بلاش تحسسها بعدم الجداره بانك تواجه التحديات لوحدك.

و تالت حاجه ان ما ينفعش تسيبها عايشه بتعمل كل حاجه لوحدها في البيت و الاولاد من غيرك. ده بيوجد جواها احساس بالوحده و بالغربه عنك. ايوه انت انسان مجتهد في شغلك و ده واخد جزء كبير من وقتك. عشان كده لما تيجي الويك اند او اي فرصه شاركها و قل لها ” انا النهارده عندي 3 ساعات اقدر اشاركك فيهم اي مشاوير هتعمليهم. و اهي فرصه نكون مع بعض عشان انتي واحشاني”. و لازم تكون محضر موضوع حوار لطيف تتكلموا فيه في المشوار عشان تحس انك مهتم بها مش بتعمل واجبك و خلاص. و طبعا مش هاوصيك لازم يكون الموضوع اللي تختاره يهمها فعلا و بتحب تتكلم فيه. و خلي بالك قوي ان لازم تشارك في الحوار لاخره مش بتفتح الحوار بسؤال و تريح دماغك و تسكت بعدها و تسيبها تتكلم لوحدها.

خلوا بالكم ان اخطر سبب للغربه و الوحده في الجواز ان الست تعيش في عالم مسئولياتها لوحدها و الراجل في عالم مسئولياته  لوحده لدرجة انهم ما يعرفوش حاجه عن بعض.

لان ده بيحسس كل طرف ان التاني مش مقدر جهده و مش واخد باله من تعبه و تبتدي بينهم لعبة الاتهامات المتبادله و ده طبعا بيسحب من رصيدهم عند بعض و يحرمهم من المشاركه و التقدير.

الزوجين دول من كتر ما كل واحد عايش مع نفسه و بس مش عارفين  يعملوا سياسه ماليه مرضيه بينهم. بالرغم انه شايفها زوجه مدبره و هي شايفاه راجل كريم و ناجح.

مع ذلك هو حاسس انه مش متقدر و مهما عمل بيكون مطلوب منه تفاصيل ماديه كبيره مراته مش شايفاها. و هي كمان شايفه نفسها ست مدبره عشان بتحط الفلوس في بيتها و بتهتم بتفاصيل طلباته هو و ولاده و مش عارفه انه حاسس بتقل مادي مش بيشاركها فيه.

و ادي سوء تواصل جديد في منطقة المعاملات الماديه مخلي كل طرف غرقان في احساسه بعدم الرضا من التاني.

كل المشاكل اللي فوق دي كانت تخلص بالكلمه السحريه في عالم العلاقات ” التواصل “.

يالا بينا بقى كلنا نبتدي نتعلم تواصل بسرعه و بلاش قرارات الطلاق المتسرعه دي. ايوه و الله عارفه ان الحياه بدون تواصل مؤلمه و قلتها احسن. فمادام فيه حل بسيط و هو اننا نتعلم و المشكله تختفي يبقى ليه التعسف و الاصرار على حياه تغرق الواحد فينا في الاحساس بالوحده و هو له شريك حياه مسئول عن سعادته !

شعارنا من النهارده “روح العلاقات التواصل”.

 

 

 

Share on facebook
Facebook
Share on whatsapp
WhatsApp
Share on twitter
Twitter
Share on linkedin
LinkedIn
Share on pinterest
Pinterest
هويدا الدمرداش

هويدا الدمرداش

هويدا الدمرداش – المستشارة في العلاقات الأسريه و مؤسسة إختبارات ما قبل الزواج SOY Premarital Assesments For Singels و
Harmony Premarital Assesment For Couples – تعد ألمع الأسماء المصريه التي تعمل في مجال الإستشارات الأسريه و التدريب. قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره. وتعد مؤسسة هويدا الدمرداش للإستشارات الأسرية آعرق مؤسسة في هذا المجال في مصر و الوطن العربي.

الخدمات الي بنقدمها للأب / الأم

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

استشارات تربوية - HD

كل لحظه تربيه مع أولادك بتسأل نفسك اعمل ايه في الموقف ده ؟ ارد على الولاد اقولهم ايه ؟ ازعق في الموقف ده و الا اعدي؟ هو الموقف ده اساسا كبير و الا بسيط ؟ احببهم انهم يعملوا الصح ازاي ؟ ازاي احببهم في المذاكره و النجاح ازاي؟ اكتشف مواهبهم ازاي ؟ من الاخر تربيه يعني تحديات كل دقيقه في اليوم من اول ما الولاد يصحوا لغاية ما يناموا. خبراؤنا هيساعدوك في رصد التحدي اللي بتعاني منه في تربيه الأولاد ويحللوك المشكله ويحطولك خطه للحل ويساعدوك تنجح فيها خطوه بخطوه
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

HD Parenting Workshops
" The Parenting Manual "

كل اب و ام نفسهم يودوا ولادهم لخبير تربوي يحللهم مشاكلهم. لكن الواقع ان الخبير التربوي الحقيقي اللي هم محتاجينه هو انت. انت اللي عايش معهم لحظه بلحظه و لازم يكون عندك الاجابات لكل سؤال و كل تحدي بتواجهه يوميا معاهم. التدريب ده عشان يعلم كل اب و ام ازاي يفكوا شفرة عقول ولادهم باختلافهم و يفهموهم صح. علي فكره عندك الاختبار تحضر الجزء من التدريب اللي هيكون خاص بالمرحله العمريه بتاعة ولادك بس
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

الثقافة الحسيه
HD Islamic Sexual Education

الثقافه الجنسيه الغلط هي الي متاحه في كل صوره او كلام ولادك بيسمعوه او بيشوفوه مع صحابهم او على النت. ولادك محتاجين ثقافه جنسيه صحيحه تساعدهم يواجهوا كل العالم اللي مفتوح عليهم مهما انت قفلت عليهم و راقبتهم. الحل دايما انهم يتعلموا مش اننا نسيبهم مش فاهمين حاجه و نسيبهم فريسه سهله في ايد اي متحرش او انسان منحرف يوصل لهم من اي طريق. انت محتاج تحضر التدريب ده اونلاين عشان دي معلومات خاصه بالثقافه الجنسيه مهم انك تعرفها و انت بتتعامل مع ولادك و طبعا كمان مع شريك حياتك. اتعلم عشان تلحق تعلم ولادك قبل ما يكبروا على الغلط
تواصل معنا