العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٨م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

9 محمد توفيق وهبه ، مدينة نصر ، القاهرة‬

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

هي:

انا مش عارفه العلاقه اللي انا فيها مع جوزي علاقه طبيعيه و الا لا !!

انابحبه بس هو بيمد ايده . و ده مرفوض عندي تماما . و المواقف بتبقى بسيطه و هو دايما عنده مبرر.

احنا اتجوزنا عن قصة حب كبيره. و بالرغم من شدة الحب اللي بيظهره لي اتفاجئت باول صدمه انه ضربني في اول شهر جواز بعنف.

انا لغاية دلوقتي بعد شهور من الواقعه دي مش قادره اتخيل ان اللي حصل ده طبيعي.

هو بيبقى حنين جدا و يطبطب علي و يحضني و يقول لي كلام حلو و يساعدني في البيت و ينام في حضني زي البيبي. و اول ما نختلف يتحول و يبقى شخص قليل الادب و عنيف و كأن الحب ده وهم بنعيشه وقت الصلح بس.

انا من صدمتي انفصلت عنه اول شهر جواز و رحت لاهلي و فضلت مصدومه و مش عارفه اتكلم مع حد و عقلي مش قادر يفهم هو ازاي الشخص الحنون ده ممكن يكون مؤذي قوي كده.

اهلي كانوا رافضين اني ارجع له لما شافوا اثار الضرب علي. والدي كان مسافر بس مامتي حكيت له . كان هيتجنن. متهيالي بابا لو كان موجود كان اكيد هيحصل طلاق. احنا في بيت والدي حياتنا هاديه و ماعندناش عنف او اهانه من اي نوع.

المهم هو وسط عيلته في الصلح و قالوا انه معلش دي غلطه و مش هتتكرر و هو اعتذر.

و انا بصيت لقيت قدامي الشخص اللي بحبه بيعتذر لي قدام الناس كلها و بيوعدني انه مش ممكن يعمل كده تاني. فقلت هادي له فرصه تانيه.

رجعنا بيتنا و اهلي كانوا زعلانين مني اني رجعت و كان رايهم نضمن منين ما يعملش كده تاني. و نضمن منين انه المره الجايه لو حصل ضرب مش هيحصل ضرر كبير.

لما انا اصريت ادي له فرصه تانيه اهلي ابتدوا يقولوا لي ” افتكري ان انت اللي اصريتي. و ان انتي اللي اخترتيه من البدايه”. كلامهم قلقني لكن كملت.

لما رجعنا بيتنا كان لطيف جدا معايا و حاول يكسبني من جديد. هو ما كررش واقعة الضرب العنيف بس دايما انفعالاته مخيفه. يزعق و يهيج على اتفه الاسباب. و ممكن يزقني و يقول لي ” ده مش ضرب”.

بيلومني اني مش مقدره انه عايزني دايما جنبه و ان انشغالي باي مشوار من غيره بيضايقه و بيهيج له اعصابه.

بعد موقف اهلي بقى بيرفض اني اروح لهم لوحدي و لازم رجله على رجلي. و دايما بيشتم فيهم و بيقول عليهم عايزين يخربوا على بنتهم و يدمروا حياتها و كل ده  عشان كانوا مصرين نتطلق بعد ما مد ايده علي. انا مش فاهمه هو كان مستني منهم ايه تاني غير كده !!

كل ما نروح لاهلي يعمل مشاكل و يلومني لو ساعدت ماما او اتكلمت مع حد من عيلتي او قرايبنا و هم بيزورونا هناك. عايز كل انتباهي و كل دقيقه من وقتي له هو و بس.

انا عايشه معه في حالة خوف شديد طول الوقت. مش عارفه ايه اللي ممكن في اي لحظه يخليه يتحول من شخص حنون لوحش كاسر زي ما حصل قبل كده .

هو ما كررش الضرب العنيف بس بيقول جمل زي ” ما تخلينيش اضربك بالقلم ” او جملة ” ما تخلينيش اهزقك”.

وممكن صوته يعلى علي في الشارع عادي جدا.

انا مش محتاجه الجوازه دي. انا مكمله بس عشان بحبه. بس حبه بيقل كل يوم في قلبي .

بالرغم من حنيته علي لكن خوفي من ثوراته بيخليني مش قادره أآمن له و استمتع بفترات حنيته.

انا تايهه و خايفه . هل اكمل حياتي معه و انا حاسه بالتهديد المستمر ؟ و الا خلاص اسامح و اتحمل عصبيته و اهه كل الرجاله كده زي ما صاحباتي بيقولوا ؟

احنا لسه ما جبناش اولاد . و انا ماديا مرتبي كبير و اقدر اعتمد على نفسي و عيلتي كمان واقفه جنبي بس انا بحبه و بحب احساسي ان عندي بيتي و باديره براحتي .

نفسي اتطمن له و نفسي يتحكم في عصبيته و مايقولش كلام يقتل جوايا الاحساس بالامان.

انا مش عارفه لوسبته هاقدر اتجوز تاني و الا لا لانه هيكون صعب أآمن لحد بعد ما الشخص اللي حبيته و اتجوزته عمل في كده.

هو :

حياتنا كويسه قوي و حلوه قوي لحد ما يحصل مشكله. هي عصبيه و انا عصبي. عصبيتها بتخلي الموقف يتصاعد بيننا و باضطر اعمل رد فعل قوي. هي دماغها ناشفه و لما تبقى عايزه حاجه لازم نعملها فورا و لو فيه جدال لازم يكمل ولازم نحل اي مشكله فورا. و ده بيوترني و بيعصبني. انا بحبها جدا و باعمل لها مفاجآت كتير و باجيب لها هدايا غاليه. و باقول لها كلام حلو و بادلعها و باساعدها في البيت.

هي سريعه وحاميه و طاقتها عاليه جدا و ردود افعالها سريعه. وانا هادي و بحب اخد وقتي لدرجة انها دايما تتهمني اني بطيء.

لوطلبت نروح مشوار و قلت لها بلاش النهارده تزعل جدا و تنكد. هي بتصر و تصعد الدنيا و يحصل خناق. انا بحبها و متعلق بها و لما بتسيب البيت باتعب.

مره اتعصبت علي وانا غضبت ماحسيتش بنفسي الا و انا باضربها . كانت علقه سخنه الصراحه بس البيوت ياما بيحصل فيها  و احنا بيننا قصة حب كبيره و انا باديها حب كتير و كنت مستني منها تداري على اللي حصل و نحل المشكله بيننا. لكن هي صعدت الموقف قوي و اهلها اتدخلوا و كانوا هيخربوا على بنتهم بيتها. اهلها ناس متسرعين زيها و انفعاليين . و كانوا عايزيننا نتطلق و احنا لسه عرسان جدد.

انا بحب قعدة البيت و هي عايز نخرج طول الوقت. و ده عامل لنا مشكله . اسهل حاجه تقول لي ” خلاص خليك انت في البيت و انا هاخرج مع صحابي او مع مامتي “. الكلام ده بيعصبني انا اتجوزت عشان اقعد مع مراتي مش عشان اقعد لوحدي.

هي المفروض تفهم ان الحياه بعد الجواز مش هتكون زي قبل الجواز. باخرجها مره اسبوعيا و برده محسساني اني مقصر معها.

انا سيطرت على اعصابي كتير و اتغيرت قوي عشانها. نفسي هي كمان تتغير عشاني.

التعليق:

كله الا العنف . مرفوض مرفوض يا ولدي.

ازاي الناس تتكلم عن العنف بالبساطه دي و كانه مشكله زي بقية المشاكل و هتعدي.

لا العنف مشكله كبيره جدا جدا جدا و لازم يكون ده واضح و مفهوم و مفيش فيه اي نسبة تجميل مهما كانت بسيطه.

العنف بيكون له اسباب كتيره . منها تربوي و منها نفسي. و انا دايما باشوف كل المشاكل في الاصل تربيه . لان حتى المشاكل النفسيه سببها بيت مضطرب و علاقات مضطربه .

اولا طبعا لازم نعرف العنف اللي حصل ده كان سببه ايه ؟ ..

يعني الشخص ده عنده مشكله و محتاج متخصص يساعده فيها عشان يتخلص منها ؟

و الا الشخص ده كان في بيت بيعترف بالضرب و بيتسامح فيه فكان فاهم ان دي مشكله عاديه ولما عرف انها مش عاديه ده كان وازع كافي له انه يسيطر على نفسه و على سوء تصرفه.

لو هو الشخص الاولاني يبقى ما ينفعش الحياه تستانف مسارها بدون تدخل متخصص و هو اللي يقول الحل ايه .

لو هو الشخصيه التانيه يبقى لازم يغير افكاره و مفاهيمه و يعبر عن الخطأ ده بصوره تليق به و تحسس زوجته انه فهم فعلا و انه شايف الخطا بحجمه الحقيقي وانه لا يمكن يكرره تاني.

يعني ما ينفعش مثلا يقول جمله زي ” البيوت ياما فيها” و “اهلك كانوا هيخربوا عليكي” و “انا باعمل لك حاجات حلوه كتير”.

الجمل دي بتعمق جوه الطرف الضحيه احساسه ان ده شيء مقبول عند الجاني و بالتالي ممكن يعرضه لكده تاني.

لان الجمله الاولى معناها ان دي غلطه بسيطه. و ده طبعا لا يمكن يطمن الضحيه.

والجمله التانيه معناها انه بيتهرب من تحمل مسولية الخطأ و ان الخطا الحقيقي اهلها هم اللي مسئولين عنه . و ده بيدبح الاحساس بالامان  في نفس الزوجه .

و الجمله التالته معناها انه بيعمل حاجات كتير حلوه و بالتالي الحاجه الوحشه اللي عملها ما تتحسبش. في الجمله دي بقى ودع الامان بلا رجعه.

لايصح الا الصحيح.

الحياه اللي فيها عنف او تهديد مستمر بالعنف لايمكن يسكنها اي احساس بالامان .

و الحياه من غير الاحساس بالامان لا تستحق ان تعاش. و خصوصا لما يكون التهديد جاي من ناحية شريك حياتك والشخص الوحيد المسئول عن حمايتك.

الزوج ده لازم يصحح اللي حصل فورا بحجمه الحقيقي.

و الزوجه دي محتاجه تتعافى من اثار التجربه دي.

والزوجين محتاجين يلجئوا لمتخصص يساعدهم يعدوا الموقف ده صح و يصفروه ( يعني يتحول الى صفر ) و بعدين يكملوا حياتهم صح بعدها. و بلاش قرار انجاب قبل تصحيح الماضي اللي حصل و التخلص من آثاره تماما.

و اللي بيقرواالبوست ده ارجوكم بلاش تدافعوا عن العنف. و كمان بلاش اي اساءه للزوج او الزوجه. احنا بننشر النصايح ليستفيد اكبر قدر ممكن من الناس مش عشان نحكم على حد و نطلعه شيطان. خلي قلبنا على بعض و ننشر كلام عن الموده و الرحمه و بلاش التعليقات اللي فيها اهانه لاي طرف من ابطال القصه.

 

 

 

 

Share on facebook
Facebook
Share on whatsapp
WhatsApp
Share on twitter
Twitter
Share on linkedin
LinkedIn
Share on pinterest
Pinterest
هويدا الدمرداش

هويدا الدمرداش

هويدا الدمرداش – المستشارة في العلاقات الأسريه و مؤسسة إختبارات ما قبل الزواج SOY Premarital Assesments For Singels و
Harmony Premarital Assesment For Couples – تعد ألمع الأسماء المصريه التي تعمل في مجال الإستشارات الأسريه و التدريب. قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره. وتعد مؤسسة هويدا الدمرداش للإستشارات الأسرية آعرق مؤسسة في هذا المجال في مصر و الوطن العربي.

الخدمات الي بنقدمها للأب / الأم

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

استشارات تربوية - HD

كل لحظه تربيه مع أولادك بتسأل نفسك اعمل ايه في الموقف ده ؟ ارد على الولاد اقولهم ايه ؟ ازعق في الموقف ده و الا اعدي؟ هو الموقف ده اساسا كبير و الا بسيط ؟ احببهم انهم يعملوا الصح ازاي ؟ ازاي احببهم في المذاكره و النجاح ازاي؟ اكتشف مواهبهم ازاي ؟ من الاخر تربيه يعني تحديات كل دقيقه في اليوم من اول ما الولاد يصحوا لغاية ما يناموا. خبراؤنا هيساعدوك في رصد التحدي اللي بتعاني منه في تربيه الأولاد ويحللوك المشكله ويحطولك خطه للحل ويساعدوك تنجح فيها خطوه بخطوه
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

HD Parenting Workshops
" The Parenting Manual "

كل اب و ام نفسهم يودوا ولادهم لخبير تربوي يحللهم مشاكلهم. لكن الواقع ان الخبير التربوي الحقيقي اللي هم محتاجينه هو انت. انت اللي عايش معهم لحظه بلحظه و لازم يكون عندك الاجابات لكل سؤال و كل تحدي بتواجهه يوميا معاهم. التدريب ده عشان يعلم كل اب و ام ازاي يفكوا شفرة عقول ولادهم باختلافهم و يفهموهم صح. علي فكره عندك الاختبار تحضر الجزء من التدريب اللي هيكون خاص بالمرحله العمريه بتاعة ولادك بس
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

الثقافة الحسيه
HD Islamic Sexual Education

الثقافه الجنسيه الغلط هي الي متاحه في كل صوره او كلام ولادك بيسمعوه او بيشوفوه مع صحابهم او على النت. ولادك محتاجين ثقافه جنسيه صحيحه تساعدهم يواجهوا كل العالم اللي مفتوح عليهم مهما انت قفلت عليهم و راقبتهم. الحل دايما انهم يتعلموا مش اننا نسيبهم مش فاهمين حاجه و نسيبهم فريسه سهله في ايد اي متحرش او انسان منحرف يوصل لهم من اي طريق. انت محتاج تحضر التدريب ده اونلاين عشان دي معلومات خاصه بالثقافه الجنسيه مهم انك تعرفها و انت بتتعامل مع ولادك و طبعا كمان مع شريك حياتك. اتعلم عشان تلحق تعلم ولادك قبل ما يكبروا على الغلط
    X
    Welcome to Our Website
    Welcome to WPBot
    wpChatIcon
    تواصل معنا