العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٨م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

9 محمد توفيق وهبه ، مدينة نصر ، القاهرة‬

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

هو طيب قوي بس اهله بيقسوه علي. هو مهندس بترول بيسافر شهر و ييجي اسبوعين و يرجع يسافر.

ابتدينا حياتنا بديون الجواز و هو مرتبه كويس بس اتفقنا ان من اول سنه في جوازنا انا اللي هاشيل البيت و ان الامور هترجع طبيعيه تاني من تاني سنه لما نخلص تسديد الديون اللي علينا . هو بعدها هيصرف على البيت و انا احتفظ بمرتبي.

انا بحبه و وافقت. و فعلا عملت الجزء بتاعي. قبل السنه ما تخلص عملنا حفله قبل سداد اخر قسط. و هو كان اسعد مني ان خلاص هو هيستعيد دوره و اني هاتحرر من المسئوليه دي  .خرجنا و اتعشينا و جاب لي هديه و شكرني و انا كمان شكرته.

لكن اللي حصل غير كده. رجعنا من العشاء ده على اهله  و قعدوا يقررونا على كل حاجه كعادتهم.

من بعدها لقيته اتغير معايا و كلامه تحول. و بدا يقول لي الست اللي بتشتغل مش زي اللي مش بتشتغل و المفروض تقف جنب جوزها و تشارك في مسئوليات البيت الماديه و المفروض تدي مرتبها لجوزها رب الاسره و تاخد منه مصروف و هو يدير موارد الاسره.

بعدها لقيت مامته بتدينا مواعظ علنيه في اجتماعات الاسره عن اهمية مشاركة الزوجه في مصاريف البيت مع الزوج و عن تضحياتها زمان من اول يوم مع ابوهم و انها كانت بتقبض مرتبها من هنا و تديه لابوهم من هنا و عشان كده ربوهم على الغالي و عمرهم ما احتاجوا حاجه.

انا على فكره ماكانش عندي مانع اعمل كده لو كان ده تفكيره هو . و لو كان الاداره دي هتكون بيننا احنا الاتنين . لانه بصراحه مسرف جدا و انا بالم وراه عشان نحقق طموحاتنا الماديه.

الامور ما وقفتش على كده و فضلت تدخلات اسرته تلاحقنا و تاخد من سعادتنا. كل ما نروق و نعدي من خلاف يولعوا بينا اي حريقه . المهم نفضل مولعين قدامهم. و هو فترة وجوده معايا قصيره اساسا بسبب شغله.

لحد ما حسيت ان بيت العيله ده لعنه . و بدات افكر اني لازم اخرج منه. كل حركاتي مرصوده و انا طالعه و نازله عليه.

بيتعاملوا مع ابنهم على انه من حقه كل حاجه تخصني حتى النفس اللي باتنفسه لكن انا ماليش اي حق عنده.

هو معايا في شقتنا بيبقى طيب و حلو و متعاون. لكن لما بننزل لبيت مامته بيتحول لرجل بارد قاسي . لا يمكن يقعد جنبي او يبص لي او يبتسم في وشي. الضحك و الفرفشه دول من حق امه و اخواته و بس. و لو حصل بالغلط انه بص ناحيتي يسلخوه تريقه من عينة “طبعا يا عم. الجو وحشك . يا عم ما تبقاش خفيف كده . هي يعني هتشبشب لك لما تطلع. ركز معنا دلوقتي. احنا اخواتك و انت هتسافر و مش هنشوفك. ما انت هتطلع تنام في حضن مراتك كفايه عليكم”.

انا باسمع الكلام ده كانه طلقات في قلبي. و باضطر اضحك معهم و اساير القعده بس الجو بيبقى مش مريح خالص و بابقى عايزه اختفي من قعده مش عايزين حتى جوزي يبص فيها ناحيتي.

من العجائب اللي مالهاش تفسير عندي غير الغدر. اني في الخطوبه كنت باشوف معامله تانيه خالص.

حماتي شخصيا كانت بتقول لي اركبي جنب خطيبك و تقعد ورايا. و لما اتحايل عليها تقعد هي قدام تقول لي ” لا طبعا يا عروسه اقعدي جنب عريسك”. اتصدمت ان بقدرة قادر بعد ما رجعت من شهر العسل مباشرة كنا رايحين مشوار و حماتي جايه معنا و جايه اركب جنب جوزي لقيتها بتقول لي ” خلاص بقى مكاني يرجع لي” و قعدتني ورا و هي قعدت قدام. مع ان بنتها و جوزها كانوا جايين معنا و ركبوا عربيتهم و بنتها راكبه جنب جوزها عادي و لما ابنها بيقول لها ” هتركبي مع شيرين و احمد ( اخته و جوزها ) قالت له بثقه بالنفس ” لا طبعا هازنق بنتي ؟”. انا الجمله وقعت علي مية نار. امال تزنقني انا و تقعدني ورا ؟ احيانا باتساءل هو اللي انا عايشاه ده واقع و الا فيلم من افلام ماري منيب و هيخلص ؟

حاجه كمان بتحز في نفسي قوي انه لا يمكن نخرج سوا الا من وراهم و لو عرفوا اننا خارجين لا يمكن يقول لهم اننا بنتفسح . ممكن يفتعل اي حاجه . يعني يقول لهم ” نزلنا نجيب شوية طلبات ” او نزلت اصلح العربيه” لكن محال يقول اننا هننزل نتغدى بره مثلا.

مع انه ممكن قوي يعزم اخواته بره على سينما او عشا عادي بازواجهم و زوجاتهم و ده خبر لازم يتقال في العيله كلها و يوصل للمجرات و الكواكب المجاوره . و لازم يتعمل في اليوم اللي باروح ازور فيه اهلي في محافظه تانيه و اقضي معهم يومين. و لا يمكن يتكرر لما ارجع. و طبعا اول محافظه لازم يوصل لها الخبر هي المحافظه اللي فيها اهلي اللي هو مش بيقبل يزروهم اساسا الا في مرتين في السنه و كل مره فيهم بتكون رابع يوم العيد.

احنا متجوزين من 3 سنين و جبت طفل. و خلاصة التلات سنوات اني عايشه مع واحد بيحبني لكني شايفاه ندل معايا و بيعتبر حبه لي جريمه يعاقب عليها القانون و لازم يخبيها عن عيون الناس و اولهم اهله.

انا كنت بحبه حب كبير قوي لما اتجوزته بس في خلال التلات سنين دول حبه كان بينسحب من قلبي بكميات مهوله كل يوم . ماعدتش ملهوفه على وجوده و هو جاي من السفر. ماعدتش فرحانه بمساعدته لي في البيت لما ييجي. ماعدتش بافرح باي هديه بجيبها لي و شايفاها من فلوسي لانه بيجبرني باصرف على البيت مع ان هو مرتبه كبير و مش محتاج. مش قارده انسى انه خلف عهده معايا و ما طلبش رضايا لما خان العهد عشان يرضي اهله. ماعدتش ملهوفه على وقته معايا و بقت بافرح لما ينزل يقضيه مع اهله و يسيبني لوحدي.

هو معجب بنفسه قوي و شايف نفسه بار باهله و انا شايفاه شخشيخه في ايدهم و ظالم و مش راجل كفايه و مش قادر يحميني و يحفظ لي حقوقي.

شوية الرصيد اللي فاضل له عندي جابوني استشارات عشان احاول و لو فشل زي ما انا متوقعه له مش هازعل. انا كل الي عايزاه احس اني عملت اللي علي.

هو :

انا بحبها قوي و متمسك بها قوي . و نفسي تكبر دماغها. هي مؤدبه و متحمله اهلي. اهلي كويسين معها بس بيغيروا علي شويه. وانا باحاول ارضي الجميع. هي الصراحه بتتحمل و احنا معهم بس بتطلعه على عيني و احنا مع بعض. بتقول لي “انت رجلي و المفروض تحميني من اهلك”. انا والدتي ست كبيره فيها ايه لما تتحملها و خلاص. انا مش هاغير امي. و بعدين امي مش لازم تعرف احنا رايحين فين و جايين منين . هي مصممه ان فيها ايه لما امي تعرف اننا بنتفسح . طب امي بتخاف على فلوسي و على راحتي لزمتها ايه اقلقها يعني. و بتقعد تقارن و تقول لي “اشمعنى امك مش بتخاف على فلوسك لما بتعزم اخواتك ؟”. انا باعزم اخواتي في المناسبات لكن مراتي معايا كل يوم و قلب الام له قوانينه برده. و الحل اننا ما نقولهاش و خلاص.

انا عايزها تشيل امي من دماغها خالص و انا مش متاخر معها.

اما بخصوص موضوع مرتبها. انا فعلا اتفقت معها ان بعد اول سنه جواز لما اسدد الديون هي مالهاش دعوه بمصروف البيت. و انا كنت صادق في وعدي. بس هي متطلبه جدا و مرتبي كبير بس مش هيكفي نعيش العيشه دي اللي هي عايزاها و كمان نحوش. و كل صحابي بيحطوا فلوسهم على بعض و بيحققوا احلامهم مع بعض. احنا شركاء حياه . و الا احنا شركاء في كل حاجه الا دي. و الا عشان سمعت امي مره بتقول كده خلاص هي بالعند مش عايزه تعمل كده. ده رايي مش عشان امي قالت كده يبقى رايي غلط.

التعليق:

الحياه الزوجيه بين اتنين عامله زي النسيج الحرير اللي بتنسجه دودة القز. هو نسيج رائع  و جميل و راقي و متعوب فيه و بالتالي غالي جدا . لو حد دخل صباعه فيه بيبوظه. و يقطعه. و يفقده اتصاله و جماله.

يا سلام لو كل زوجين عملوا النسيج ده بينهم بوحي من فكرهم و مشاعرهم و عطاءهم و منعوا اي تدخل من اي طرف خارجي.

الامهات اللي بتدخل بتدي صوره عن ابنها او بنتها انه طفل حضانه و محتاج اللي يحميه . و ده بيهز صورته في عينين شريك حياته اللي كان شايفه شريك حياه كامل الاهليه و شايفه كمان ضهر و سند.

اول ما التدخل بيبتدي بتروح صورة الشريك و الضهر و السند و تيجي صورة الطفل و التتينه في بقه. و كلمني بعدها عن الاحترام .

لو الزوج او الزوجه عندهم ام لسه شايفاهم طفل بالتتينه في بقه يا ريت يحمي صورته بانه يرفض الصوره دي على الاقل قدام شريك حياته.

يعني مثلا في القصه دي لما الزوجه سمعت حماتها بتقول جمل قدام جوزها  “الست الاصيله تحط مرتبها كله في البيت مع جوزها عشان تساعده و تقف جنبه و تسيبه يمشي البيت صح ” . يا سلام بقى لو الزوج يضحك لمامته احتراما لكن بعدها ياخد مراته على جنب و يطمنها و يقول لها ” حبيبتي سيبك من الكلام ده . انا مقدر اللي عملتيه عشاني اول سنه جواز. يمكن ماما ما تعرفش. و ماما برده ست كبيره و لسه شايفاني في عينيها طفل . لكن انا راجل و كلمتي واحده و جميلك على راسي و ربنا يقدرني و اعوضك. و فلوسك بتاعتك يا حبيبتي و لا يمكن اخد منها جنيه بعد النهارده “.

و الله كده كلموني عن الزوجه اللي جوزها قدرها و وفى بوعده معها و ماحاولش يتنصل من مسئوليته و شال المسئوليه و كمان بيوعدها ان ربنا لما يدي له هيعوضها . الزوجه اللي بالمنظر ده هتبص لجوزها نظره شكلها ايه ؟ مش هو ده برده الراجل اللي بجد ؟ ده مش راجل في عينين مراته لا ده جريندايزر .

لكن الاخ التاني بطل القصه اللي ما صدق مامته و صحابه قالوا له مراتك تصرف معك قام تنكر لعهده و قالك هم اللي قالوا لي ماليش دعوه . ده ممكن مراته تشوفه ايه غير طفل حتى لو صوروه لها على انه تنين مجنح و قعدوا يعددوا لها في مزاياه و يقولوا لها ” ده البنات بتعاكسه دول كلهم بيحسدوكي عليه”. هو خلاص كده وقع من نظرها مهما قالوا و عندها حق طبعا. ده حتى بنص الحديث منافق و بيخلف وعده و ناكر للجميل . مش هاقول الرجوله مواقف لكن هاقول الانسانيه مواقف و الايمان مواقف.

دي غلطه كبيره قوي و اللي زي ده لا يؤتمن الا لو اعترف بغلطته و تاب و كفر عن ذنبه و عوضها و رجع لها حقها و تعهد انه لا يعود لخلف عهده تاني ابدا.

اما بقى عن موقف العربيه بتاع الحماه اللي استرديت كرسي العرش بتاعها فده باقول للزوجه كبري مخك واضح انها ست فاهمه الحياه غلط مع الاسف. لو جات على كرسي العرش سيبيه لها. و ان كان الامر يظهر نية خداع مبيته بتظهر طبيعة الوش الخاص بكل مرحله. ربنا يحفظنا من متعددي الوشوش. المهم جوزك يكون له وش واحد . لكن لو اصر يكون له ميت وش هو كمان فالنجاه ارحم بيكي من عشرة شريك الحياه المتلون هو و عيلته.

التدخل و الوقيعه بينكم بقى ده حماده تاني خالص. بلاش تسمحوا لحد يولع بينكم و يعمل مشاكل. و ده كلام موجه للزوج. لو اخواتك او صحابك بيتريقوا عليك عشان تيجي على مراتك عشان تثبت لهم انك راجل قوي و ان مراتك دي نكره و مالهاش اي وزن في حياتك . خليك راجل زي سيد الرجال محمد صلى الله عليه و سلم اللي عمل لنا رجوله ميتر و قال لنا ” ما اكرمهن الا كريم و ما اهانهن الا لئيم”. قل لهم بنفس طريقة التريقه اللزجه بتاعتهم ” بس يا خفيف منك له انا مراتي مش بتشبشب لي انا مراتي بتحبني و بتقدرني و انا بحب وقتي معها زي ما هي بتحب وقتها معايا و مش هتعرفوا توقعوا بيننا يا ابالسه و باي باي بقى يا شربات منك له ” و خد مراتك من ايدها و اطلع و انت بتضحك و قل لهم “زفونا بقى يا حساد” . و الموقف هيعدي و هيبطلوا مادام ما نجحوش في هدفهم انهم يقلبوك عليها او انهم يخلوك تسيبها و تقعد معهم اكتر منها .

بارجع للزوجه اقول لها الخصوصيه مطلوبه و من باب الخصوصيه انه مش بيقول لهم انكم بتتفسحوا بشرط انه ما يقولش اي اخبار تانيه و كمان بشرط انه ما يكدبش . يعني خصوصيه بخصوصيه بقى يبقى الافضل يعودهم انهم لما يسألوا انتوا فين يقول لهم في مشوار و لما يحاولوا يقرروه يقولهم بعدين بعدين و لما يزهقوه يتوهم بانه يسالهم عن حاجات تخصهم . و بالاستمرار في التوهان هيزهقوا و يقولوا عليه كتوم و نخلص من الهوسه دي. لانه ما يصحش يقبل انه يقابل ربنا كداب عشان يرضي اي حد في الدنيا حتى لو كانت امه .

” لا طاعة لمخلوق في معصية الخالق”.

موضوع بقى انه يعزم اخواته و الكوكب كله يعرف و انه ده بيتم في غياب الزوجه انا لو منك مش هاتضايق مادام بيعوضك و انتوا لوحدكم و ماحدش بيعرف و بيحترم خصوصيتكم. معلش مش مشكله انك وقعتي في عيله زياطه. خليهم يزيطوا مفيهاش حاجه . المهم ما ياخدوش من حقك في الحب و الاهتمام و الخصوصيه و الاحترام و النفقه و القرارات المشتركه مع شريك حياتك . الزيطه مش معصيه و ما تعيبش الاخوه الزياطين حتى لو كان قصدهم يغيظوكي. عندك دايما الاختيار الرائع انك ما تقبليش تتغاظي . و ده في حد ذاته بيغيظ الشخص الكياد الزياط . حد فهم حاجه ؟ 😊

 

Share on facebook
Facebook
Share on whatsapp
WhatsApp
Share on twitter
Twitter
Share on linkedin
LinkedIn
Share on pinterest
Pinterest
هويدا الدمرداش

هويدا الدمرداش

هويدا الدمرداش – المستشارة في العلاقات الأسريه و مؤسسة إختبارات ما قبل الزواج SOY Premarital Assesments For Singels و
Harmony Premarital Assesment For Couples – تعد ألمع الأسماء المصريه التي تعمل في مجال الإستشارات الأسريه و التدريب. قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره. وتعد مؤسسة هويدا الدمرداش للإستشارات الأسرية آعرق مؤسسة في هذا المجال في مصر و الوطن العربي.

الخدمات الي بنقدمها للأب / الأم

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

استشارات تربوية - HD

كل لحظه تربيه مع أولادك بتسأل نفسك اعمل ايه في الموقف ده ؟ ارد على الولاد اقولهم ايه ؟ ازعق في الموقف ده و الا اعدي؟ هو الموقف ده اساسا كبير و الا بسيط ؟ احببهم انهم يعملوا الصح ازاي ؟ ازاي احببهم في المذاكره و النجاح ازاي؟ اكتشف مواهبهم ازاي ؟ من الاخر تربيه يعني تحديات كل دقيقه في اليوم من اول ما الولاد يصحوا لغاية ما يناموا. خبراؤنا هيساعدوك في رصد التحدي اللي بتعاني منه في تربيه الأولاد ويحللوك المشكله ويحطولك خطه للحل ويساعدوك تنجح فيها خطوه بخطوه
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

HD Parenting Workshops
" The Parenting Manual "

كل اب و ام نفسهم يودوا ولادهم لخبير تربوي يحللهم مشاكلهم. لكن الواقع ان الخبير التربوي الحقيقي اللي هم محتاجينه هو انت. انت اللي عايش معهم لحظه بلحظه و لازم يكون عندك الاجابات لكل سؤال و كل تحدي بتواجهه يوميا معاهم. التدريب ده عشان يعلم كل اب و ام ازاي يفكوا شفرة عقول ولادهم باختلافهم و يفهموهم صح. علي فكره عندك الاختبار تحضر الجزء من التدريب اللي هيكون خاص بالمرحله العمريه بتاعة ولادك بس
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

الثقافة الحسيه
HD Islamic Sexual Education

الثقافه الجنسيه الغلط هي الي متاحه في كل صوره او كلام ولادك بيسمعوه او بيشوفوه مع صحابهم او على النت. ولادك محتاجين ثقافه جنسيه صحيحه تساعدهم يواجهوا كل العالم اللي مفتوح عليهم مهما انت قفلت عليهم و راقبتهم. الحل دايما انهم يتعلموا مش اننا نسيبهم مش فاهمين حاجه و نسيبهم فريسه سهله في ايد اي متحرش او انسان منحرف يوصل لهم من اي طريق. انت محتاج تحضر التدريب ده اونلاين عشان دي معلومات خاصه بالثقافه الجنسيه مهم انك تعرفها و انت بتتعامل مع ولادك و طبعا كمان مع شريك حياتك. اتعلم عشان تلحق تعلم ولادك قبل ما يكبروا على الغلط
    X
    Welcome to Our Website
    Welcome to WPBot
    wpChatIcon
    تواصل معنا