العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٨م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

9 محمد توفيق وهبه ، مدينة نصر ، القاهرة‬

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

انا زين الرجال و مراتي مش عارفه قيمتي!

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

هو:

هي اللي زعلانه و انا دلوقتي بعد 10 سنين بدات افهم اللي مزعلها وبدات كمان اقتنع ان هي اللي صح.

زمان كنت شايفها زنانه و متبطره على النعمه و عايزه زوج تفصيل دلوقتي لا.

فقت اه بس متأخر. هي دلوقتي طالبه الطلاق و مصره عليه.

انا كنت فاهم اني راجل البيت عشان باصرف عليها و على الولاد كويس. حاسس اني باشا و المفروض يقدروني و يريحوني ويسمعوا كلامي و يفتخروا اني انا جوزها و باباهم .

هي دايما كانت تشتكي اني منفض ايدي من مسئوليات البيت و الاولاد و من قرارات المدارس و التمارين و من مشاوير مشتروات البيت و مواعيد الدكاتره و مواعيد تمارين الاولاد و و مواعيد دروس للاولاد.

و كانت بتلمح لي اني مش زوج و لا اب و اني مجرد كارت فيزا و بس.

و كانت بتقول اني اناني في كل حاجه  عشان في علاقتنا ببعض مش باديها الوقت و الاهتمام اللي هي بتحتاجه و ان وقتي كله لاهلي و صحابي و لو فضل اي وقت هاخده لنفسي اقعد على الموبايل او العب بلاي ستشيشن .و للاسف برده قالت لي انه حتى في علاقتنا الخاصه كزوجين مش بافكر غير في اللي يسعدني انا و بس و انها مهما قالت لي انها بتحب حاجات معينه اهتم بها مره و انسى بعد كده.

و اقول لك حاجه بقى.كل اللي هي بتقوله صحيح و انا مااعرفش عملت كده ليه.

مع اني بحبها و باقدرها و شايل لها وقفتها جنبي في اكتر من محطه في حياتي. و معترف بها انها احسن ام و احسن زوجه و احسن ست بيت. لكن كنت باشوف ده عادي يعني انها تكون كده . احنا اتربينا ان الست هي اللي تضحي و هي اللي تدي . هي ليه شايفه نفسها مختلفه عن كل الستات.

عمري ما لمت نفسي او حسيت للحظه اني محتاج اعمل اكتر من اللي عملته. و لما كنت ابص على زمايلي في الشغل كنت باحس اني جامد و انها متبطره على النعمه. انا باشوف زمايلي خاربينها علاقات مع ستات و سهر في القهاوي و سفر بره بحجة الشغل و هم رايحين يعيشوا حياتهم و مش بيصرفوا زي ما انا باصرف كده عليها و على الولاد. فكنت باقول لنفسي دي ست مش عارفه الرجاله بتعمل ايه عشان كده مش مقدراني. يالا بقى الواحد يبقى ياخد ثوابه من عند ربنا. انا مش بتاع ستات و لا قهاوي. ايه اللي  يعيبني اني راجل لي صحابي و اهلي و باراعيهم. آه باتاخر بره البيت بس بارجع اقعد معها و مع الاولاد.

انا لا بادخن و لا باشيش و لا لي في السهر بره البيت و عمري ما مديت ايدي عليها او اهنتها او بخلت عليها في طلب هي طلبته.صحيح هي مالهاش طلبات و ست مدبره بس انا كمان مش مقصر في البيت و عمرها ما احتاجت حاجه و مالقيتهاش. بصراحه انا كنت شايف اني زوج الاحلام لكل زوجه بتفهم  و تعرف توزن الناس. و حتى صحابي لما كنت ارفض اسهر معهم على القهوه كانوا بيتريقوا علي و بيسموني زوج الاحلام.

ايه يعني ماسك الموبايل في البيت ؟ ايه يعني مش باسمعها و هي بتتكلم ؟ ايه يعني مش باشيل معها العيال و مش باساعدها في البيت والمكان اللي اقعد فيه في البيت يتقلب فوضى؟ ما انا راجل من دم و لحم و مطحون في شغلي عشان احقق لهم العيشه اللي الكل يتمناها.و بعدين انا جايب لها شغاله تساعدها. اي نعم هي ايدها في ايد الشغاله لانها ست نمكيه و فله . لكن انا برده أشكر.

المهم انا فضلت معتبرها بتدلع دلع مالوش لزمه لغاية لما حصل اللي حصل.

وقعت في الشغل فجأه و نقلوني الطواريء و هي عرفت وجريت علي و بدانا مشوار علاج اقعدني شهور عن العمل.

انا شفت قدامي سوبر وومان. مش هاقدر ادخل في التفاصيل بس كل اللي اقدر اقوله انها كانت بتشيلني عشان تدخلني الحمام مع اني انا ضخم الجثه عريض المنكبين و هي سفروته و ولادنا صغيرين وماحدش بيساعدها بتاتا .

اللي حصل لي ما غيرش في اي حاجه. فضلت على ضلالي القديم و معتبر ان ده دورها و ان الست هي اللي تضحي و طول ما انا بادفع الفواتير يبقى انا ميت فل و عشره.

المهم الحمد لله الازمه عديت . و عدينا الفتره الحرجه للمرض. و رجعت وقفت على رجلي تاني بعد 9 شهور علاج .

اول ما نزلت شغلي تاني و هي اتطمنت علي . فوجئت بالصاعقه .

طلقني.

ايه ؟

امال ايه اللي هي عملته ده؟ مش حب ؟

كان ردها لي الدش البارد اللي فوقني بعد فوات الاوان.

قالت لي ” انا عشت معك و عندي احساس قاتل بالوحده و حاولت الفت نظرك و انت رفضت تسمعني. و في اللحظه اللي انا قررت فيها اني خلاص لازم انفصل عنك عشان اقدر اكمل حياتي بنفس المسئوليات اللي انا شايلاها لوحدي و قررت  اعفي نفسي من احساسي بالحرمان القاتل ان لي زوج لكن مالوش وجود حقيقي في حياتي.ربنا قدر ان في اللحظه دي انت مرضت. فقلت لنفسي عهد علي اني لازم اقف جنبك في محنتك و اوصل لك لبر الامان و اول ماتخف وترجع لقصة نجاحك و لصحابك و عيلتك و تبقى تمام التمام هاكافيء نفسي و احقق لنفسي الحلم اللي جوايا اني اعفي نفسي من احساسي بالحرمان و من الغضب اللي جوايا ناحيتك.”

قلت لها يعني انت مش بتحبيني ؟ قالت لي ” للاسف الحب مات في قلبي من سنين”. قلت لها “من امتى؟” قالت لي “من ساعة ما قررت ابطل اعاتبك اواطلب منك اهتمام”.

انا عارف كويس ان ده حصل و فاكر كويس اخر عيد عدى علينا من سنتين من غير خناق كالمعتاد. هي كانت بتتخانق معايا  عشان عايزاني اكون معها ليلة العيد و انا كنت باقول لها “لا كله الا ليلة العيد. دي سهرة صحابي ما اقدرش افوتها و لازم اسهر مع عيلتي و ارجع لك بعد صلاة العيد زي كل سنه”. هي بصيت لي وقتها و قالت لي ” براحتك. بس دي اخر مره هاطلب منك حاجه تاني”. انا فرحت قوي يومها ان الليله عديت من غير خناقه. و فرحت اكتر لما لقيتها صادقه فعلا و بطلت تعمل اي مشاكل او تطلب اي اهتمام. و قلت لنفسي بفخر” و الله و عملوها الرجاله “.

و عديت الايام و نسيت الموضوع و بقى ده العادي في بيتنا. ان انا عايش حياتي زي ما انا عايز بدون اي تذمر من ناحيتها و البيت هادي و كله تمام.

اخيرا واحد من الرجاله قدر يحقق معادلة الانتصار الرهيب و من غير مشاكل. و الراجل الغضنفر ده يبقى انا و لا فخر.

هي دلوقتي بتتعامل معايا ببرود قاتل و مصره على الطلاق . و اكتشتفت انها عامله لنفسها بيزنس بتبيع حاجات اونلاين .

هي ورثت مبلغ من بعد وفاة ابوها و انا عمري ما سالتها هي وديت الفلوس دي فين. و كنت فخور بي قوي اني راجل جامد مش بابص لفلوس مراتي.

هي رتبت كل حاجه عشان تخلص مني فعليا. و بعد ما وقفت جنبي في مرضي ما اقدرش الومها او اعيب عليها في اي حاجه. ما اقدرش حتى اضغط عليها زي الرجاله ما بيعملوا و اطلع لها القطط الفاطسه و الخمها بمشاكل عشان اطلعها مقصره و ادوخها السبع دوخات عشان تنسى الطلاق. انا مديون لها . و الاعجب اني اكتشفت اني بحبها حب عظيم ما كنتش حاسس به قبل كده . لدرجة اني لما هي بتقول طلقني باحس ان روحي بتخرج مني.

هي رافضه تسمع اوتناقش و قالت لي جمله احرجتني” احنا بيننا عشره و مايصحش تضطرني ارفع قضية خلع. انا واثقه انك هتديني حريتي بهدوء و ادب يليق بينا و بعشرتنا زي ما انا اديتك حريتك في العيشه اللي انت طلبتها بهدوء و ادب”.

هي:

انا مش هاتكلم كتير .انا مصره على الطلاق و مش هاقبل حد يراجعني في قراري.

انا جايه من بيت متدين و اتربيت على طاعة الزوج و حق الزوج . و فعلا كنت له الزوجه اللي ارتضي اقابل ربنا بحسن تبعلها لزوجها. انا كنت داخله الجوازه دي مشمره و ناويه اكون زوجه تستحق تدخل الجنه زي ما اهلي علموني.

و كنت فاكره اني مادام باعمل كده يبقى اكيد هاعيش الموده و الرحمه مع جوزي -زي ما اهلي علموني- ان الزوجه الصالحه بتعيش سعيده في دنيتها لان زوجها بيكون راضي عنها. و بيتهم بيبقى فيه موده و رحمه و كمان بتكون سعيده في اخرتها لان ربنا بيكون راضي عنها.

انا عملت اللي علي بشهادته. و طالبته باللي يخصني من ناحيته لكن كل مره كنت باتفاجيء انه ما يعرفش ان فيه جزء يخصني اصلا .هو دايما كان يقول لي ” الست هي اللي تدي . الست هي اللي تضحي”.

قعدت سنين متلخبطه و جوايا سؤال مكسوفه اساله لربنا ” هو انا ليه بيحصل في كده؟ مش انا عملت اللي طلبته مني؟ “.

قعدت سنين عشان افهم ان انا ماموره و جوزي مامور. و ان عملي مش هيروح هدر و ان مش ضروري تكون المكافأه زي ما فهموني اني اعيش الموده و الرحمه اللي كان نفسي فيها و اللي كانوا بيقولوا لي عنها دي اكبر من الحب بتاع الافلام.

انا عارفه ان ربنا بيراضيني و هيراضيني و منتظره كمان ثواب اخرتي.

هو دلوقتي بيقول انه فاق و فهم ان له دور تاني غير انه يدفع الفواتير. بس انا قلبي خلاص ماعادش يسامح و خصوصا اني طلبت بوضوح اللي نفسي فيه زمان .

انا شايفه اني  عشت حرمان ما يصحش ست متجوزه تعيشه. لما انا احس بالحرمان و انا لي زوج يبقى اتحمل مسئولية زوج ليه ؟

ما اعيش بحريتي من غير ما اتحاسب على مسئولية حسن تبعل لزوج بقى.

انا ما اعرفش المشكله فيه و الا في الرجاله و الا  في التربيه و الا في المجتمع عشان انا قريت كتير عشان ارد على السؤال اللي كان محيرني: ” انا عملت اللي علي انا ليه بيحصل في كده ؟”.

انا راضيه بنصيبي و مش عايزه منه غيرطلاق هادي سريع و مهذب.

الجواز كله على بعضه صفحه و اتقفلت من حياتي.

عايزه اعيش لي و لولادي و لشغلي و لعبادتي. مش عايزه زوج يفتني في ديني .

و ماعنديش امل فيه من اللي انا شايفاه حولي. هم فعلا زي ما كان جوزي بيقول ” كل الرجاله كده”.

طالبه الطلاق و مصره عليه وجايه لك عشان تقنعيه به  و عشان تقفي جنبه لانه اكيد هيحتاج فتره لغاية لما يقدر يتعافى من صدمة

الطلاق. هو في النهايه ابو اولادي و يهمني يكون في احسن حاله عشان خاطرولاده.

التعليق :

اه يا قلبي .. حزن كبير لما علاقه كان ممكن تتصلح بسهوله تتعرض لكل ده وتنتهي بطلب الطلاق .

قلنا الجواز موده و رحمه . و قلنا مسئولية الزوج الاولى هي الموده و الرحمه و التانيه هي النفقه و الاداره الخارجيه لكل ما يخص البيت و الاسره . و نفس الشيء مسئولية الزوجه الاولى هي الموده و الرحمه و التانيه هي الاداره الداخليه للبيت و الاسره.

بتر دور الرجل في الموده و الرحمه بحجة ان الست هي اللي بتدي عجيب و دخيل على ديننا و نتايجه سيئه و بيفتن الطرفين .

في قصص كتيره بيفتن الزوج ضعيف الايمان و بيخليه يدورعلى علاقه تانيه يعيش فيها دور العشيق و الحبيب لانه اتعلم ان ده مش دوره مع مراته.

و في قصص تانيه – زي قصتنا الحاليه –  بيمارس الحب و الاهتمام و الود و الرحمه مع الاهل و الاصحاب و يقع في مشكلة حسابه مع ربه انه بيحرم مراته من الحب و الاهتمام اللي هي بتنادي به و هو من حقها . و بالتالي بيبقى سهل عليها تنفصل عنه .حرمان بحرمان بقى.

و كمان – للاسف – بيفتن الزوجه انه في قصص كتيره يضطرها تعيش في علاقات جانبيه و تعمل تشات او خيانه الكترونيه للست ضعيفة الايمان. او يضطرها في قصص تانيه – زي قصة اليوم – تطلب الطلاق عشان تعفي نفسها من الم الحرمان بالرغم من وجود الزوج.

ليه العبث ده ؟ ليه القسوه دي ؟ ليه الفظاظه دي ؟ ليه الحرمان ده ؟

عموما انصح الزوج انه يبطل يتكلم كتير و يبدا فورا في انه يتعلم كيف تكون الموده و الرحمه مع الزوجه . و ده سهل لو اخلص النيه . بس هيحتاج وقت وجهد و حد متخصص.

ممكن يقول للزوجه الجمله دي عشان تهدا ” انا مقدر مشاعرك و معترف اني قصرت. انا مش ممكن اجبرك على اي حاجه. انا اتمنى تديني فرصه و انا هابذل اقصى ما في وسعي عشان اتعلم و اتغير. و طالب منك تديني وقت . لو قدرتي يبقى ده بقية حسن عطائك لي على مدار السنين و لو ما قدرتيش انا مش هاجبرك وهانفذ لك رغبتك في الوقت اللي عايزاه بالكيفيه اللي عايزاها و مش هاظلمك ابدا في اي حق من حقوقك”.

الجمله دي عادة بتخلي الزوجه تحس انه فعليا بدا يتغير بجد. و بدا يفهم ان لها حق و انه ما ينفعش يجبرها على اي حاجه.

بس لو الزوج بعدها ما عرفش يقدم اللي هي مستنياه بجد بيبقى كانه حرق اخر كارت. فانصحه انه يقول الجمله دي و يبدا فورا اللجوء لمتخصص يعلمه ويساعده على اصلاح العلاقه بصوره جاده.

بالنسبه للزوجه باقول لها ” من حقك و الله . و الزواج اللي مش بيلبي احتياجاتك ظلم لا يرضاه الله. بس لو طلب منك الجمله دي. ادي له وقت . و لو قام بمحاولات جاده ادي له فرصه. الزوج لما بيتعلم فعلا بيكون زوج حقيقي و يساوي في قيمته بعدها الف زوج ممكن تكوني اتفرجتي عليهم في فيلم او قريتي عنهم في روايه. و الكلام ده عن تجربه مع الاف الازواج.”

لو مش قادره على الاقل ادي وقت محدد و ليكن 3 شهور لان التعلم الجاد و التغيير الحقيقي يحتاج لهذه المده عشان يكون واقعي و صحيح .

طبعاالزوجه ايضا تحتاج للتعافي من اثار الاحساس القديم بالحرمان و بالغضب فننصحها باللجوء لمتخصص.

الكلام  ده لاي طرف في الزواج يعاني من حرمانه من الحب من شريك حياته .سواءا كان الزوج او الزوجه.

توقف فورا عن سلوكك القديم اللي بيحسس شريك حياتك باهمالك في حقه في الحب منك. و اطلب العلم . و لا تضطر شريك حياتك للانفصال ليتخلص من احساسه بالحرمان من الحب معك.

 

 

Share on facebook
Facebook
Share on whatsapp
WhatsApp
Share on twitter
Twitter
Share on linkedin
LinkedIn
Share on pinterest
Pinterest
هويدا الدمرداش

هويدا الدمرداش

هويدا الدمرداش – المستشارة في العلاقات الأسريه و مؤسسة إختبارات ما قبل الزواج SOY Premarital Assesments For Singels و
Harmony Premarital Assesment For Couples – تعد ألمع الأسماء المصريه التي تعمل في مجال الإستشارات الأسريه و التدريب. قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره. وتعد مؤسسة هويدا الدمرداش للإستشارات الأسرية آعرق مؤسسة في هذا المجال في مصر و الوطن العربي.

الخدمات الي بنقدمها للأب / الأم

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

استشارات تربوية - HD

كل لحظه تربيه مع أولادك بتسأل نفسك اعمل ايه في الموقف ده ؟ ارد على الولاد اقولهم ايه ؟ ازعق في الموقف ده و الا اعدي؟ هو الموقف ده اساسا كبير و الا بسيط ؟ احببهم انهم يعملوا الصح ازاي ؟ ازاي احببهم في المذاكره و النجاح ازاي؟ اكتشف مواهبهم ازاي ؟ من الاخر تربيه يعني تحديات كل دقيقه في اليوم من اول ما الولاد يصحوا لغاية ما يناموا. خبراؤنا هيساعدوك في رصد التحدي اللي بتعاني منه في تربيه الأولاد ويحللوك المشكله ويحطولك خطه للحل ويساعدوك تنجح فيها خطوه بخطوه
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

HD Parenting Workshops
" The Parenting Manual "

كل اب و ام نفسهم يودوا ولادهم لخبير تربوي يحللهم مشاكلهم. لكن الواقع ان الخبير التربوي الحقيقي اللي هم محتاجينه هو انت. انت اللي عايش معهم لحظه بلحظه و لازم يكون عندك الاجابات لكل سؤال و كل تحدي بتواجهه يوميا معاهم. التدريب ده عشان يعلم كل اب و ام ازاي يفكوا شفرة عقول ولادهم باختلافهم و يفهموهم صح. علي فكره عندك الاختبار تحضر الجزء من التدريب اللي هيكون خاص بالمرحله العمريه بتاعة ولادك بس
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

الثقافة الحسيه
HD Islamic Sexual Education

الثقافه الجنسيه الغلط هي الي متاحه في كل صوره او كلام ولادك بيسمعوه او بيشوفوه مع صحابهم او على النت. ولادك محتاجين ثقافه جنسيه صحيحه تساعدهم يواجهوا كل العالم اللي مفتوح عليهم مهما انت قفلت عليهم و راقبتهم. الحل دايما انهم يتعلموا مش اننا نسيبهم مش فاهمين حاجه و نسيبهم فريسه سهله في ايد اي متحرش او انسان منحرف يوصل لهم من اي طريق. انت محتاج تحضر التدريب ده اونلاين عشان دي معلومات خاصه بالثقافه الجنسيه مهم انك تعرفها و انت بتتعامل مع ولادك و طبعا كمان مع شريك حياتك. اتعلم عشان تلحق تعلم ولادك قبل ما يكبروا على الغلط
تواصل معنا