العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

٩ محمد توفيق وهبه - مدينه نصر - القاهرة

اتصل بنا

علي رقم : 01000771776

مواعيد العمل

السبت - الخميس من ١٢م إلي ٨م

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

العنوان

9 محمد توفيق وهبه ، مدينة نصر ، القاهرة‬

اتصل بنا

علي رقم : 01000771776

مواعيد العمل

السبت - الخميس من ١٢م إلي ٩م

الانسجام الحسي بين الزوجين!

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

هو :

مراتي تعباني . باقول لها الرجال قوامون على النساء و انها لازم تسمع كلامي.  بس هي بتعند و رد فعلها بيكون وحش قوي .

بتقول علي كلامي دبش و عنيف. و دي حقيقه . انا فعلا ضربتها مرتين في الشارع و شتمتها شتايم وحشه. لكن مفيش حد بيتعصب على مراته من فراغ. ما هي اكيد السبب . و ده طبعا لانها عامله راسها براسي.

انا غلطان اني ضربتها و حاولت اصالحها بس هي رافضه و طالبه الطلاق.

كانت بتحبني جدا في اول جوازنا . دلوقتي مهملاني جدا.

انا اللي بيعصبني و بيوصلني لمراحل الغضب دي انها متباعده عني في علاقتنا الحميمه. نصحتها و قلت لها انت كده ربنا يغضب عليكي و الملايكه تلعنك. بترد تقول لي ” مش ممكن ربنا يلعنني عشان مش قادره اتقبل اسلوبك. و تقول لي الرسول عليه الصلاة و السلام قال فقدموا لانفسكم الاول .” مش باقول لك عامله راسها براسي. اقول لها حديث تقول لي آيه. بتعلي علي”. باحس انها واحد صاحبي مش مراتي.

و لا كاني راجل و لي كلمتي عليها.

كل كلامها حجج عشان ما تدينيش حقي الشرعي. مش محسساني برجولتي و ان مراتي بتسمع كلامي. انا معيشها عيشه ملكه و كريم معها و هي بتشهد لي بكده. ده جزائي؟

هي:

انا جايه من بيت الست فيه بتتعامل بادب و احترام  و بتتشال على الرؤوس. و دايما بابا كان بيحترم امي و كان بيقول لاخواتنا الصبيان ” الراجل اللي يهين واحده ست ده خاين للامانه اللي ربنا حملها له “.

و اخواتي فعلا طالعين لابويا بيحترموا زوجاتهم و بيعاملوهم احسن معامله. و اختي جوزها برده محترم و بيعاملها بادب و احترام و بيشكر فيها قدامنا.”

انا الوحيده في اخواتي اللي عايشه في خلافات مستمره مع جوزي. و باضطر ادخل اهلي في مشاكلي لانه عنيف و بيمد ايده. و ما اكتفاش بمد الايد بيني و بينه. لا كمان ضربني مرتين في الشارع و شتمني شتايم بذيئه قدام الناس.

انا عارفه انه اللي معصبه اني مش باطيق انه يلمسني. لولا خوفي من ربنا كنت منعته يقرب لي اساسا.

هو مش فاهم من الشرع غير حقوقه الشرعيه و بس. عايز يهينني و ينقدني ليل و نهار و بعدين بالليل يسبل لي عينيه و يقول لي ” يالا قومي عايزك”.و خلاص بقى الدنيا تمشي عادي و طبيعي.

و لو مش قادره بسبب اسلوبه معايا يقول لي ” الملايكه هتلعنك”.

في اول جوازنا كنت باصدق فعلا ان الملايكه هتلعنني و كنت باخاف. بمرور الايام مش شايفه حد يستحق اللعنه غيره. ده انا كنت بحبه حب . ازاي قدر يخلي كل اللي في قلبي ناحيته نفور و رفض بالشكل ده.

هو مش برده ربنا قال ” و لهن مثل الذي عليهن بالمعروف؟ هو يقبل اني كمراته اعامله زي ما هو بيعاملني؟”.

باقوله “تخيل معايا اني باعمل معك اللي انت بتعمله معايا و قل لي هتقدر تقرب مني او تلمسني وقتها ؟”.

عايزاه يتخيل كده  اني بزعق فيه و بانقده طول الوقت . و بعدين بالليل اقرب منه بسماجه و اقول له ” يالا بينا انا عايزه حقي” . و لو قال لي “تعبان” اروح شداه من هدومه و اقول له ” مادام مش راضي بالذوق هاخد حقي بالعافيه”. عايزاه بس يتخيل كده هو هيحس بايه ساعتها ؟

و مهما اقول له ” و الرسول عليه الصلاة و السلام بيقول ” و قدموا لانفسكم”. مفيش . كاني باتكلم هيروغليفي. انا لا يمكن اصدق ان ربنا يرضى بان زوج يعامل زوجته كده و يرجع يحاسبها انها رفضت.

ربنا جميل و رحمن و رحيم و عدل. و الاسلوب بتاعه ده هو اللي ملعون.

و انا خلاص ما عدتش باقيه عليه. و ان كان على الولاد ما هو انا مش هاسيب ولادي يكبروا و ابوهم بيضرب مامتهم في الشارع قدام الناس و بيزعق لها و يشتمها بكلمه بحرف الشين . و يرجع يعتذر و يقول ” معلش انا زودتها شويه عشان انت عصبتيني “.

التعليق:

الزوج ده لو عايز يلحق باقي العلاقه دي لازم يمتنع فورا عن العنف و الاهانه . كلام الزوجه فيه تصريح بان فكرة الانفصال بقيت الراحه الوحيده في حياتها. شعرة عنف من الزوج و الزوجه دي هترفض الاصلاح تماما.

العلاقه الحميمه بين الزوجين علاقه كريمه و فيها تبادل للحب و الود و الرحمه . علاقه المفروض الزوجين فيها يغسلوا همومهم و يجددوا حبهم لبعض.

مين غير شريك حياتك يقدر يقرب منك كده و يقدر يطبطب على كل خليه في جسمك بحب و نعومه و اهتمام.

الشريك ده ازاي هيقدم جرعة الحب الراقيه دي اللي ربنا وصفها في قرآنه بكلمات معناها عميق و عظيم ” هن لباس لكم و انتم لباس لهن”. آيه تصف الانسجام الجميل بين الزوجين في اروع صوره.

تيجي بقى بعد الجمال ده تنزل على الواقع تلاقي صوت منفر بيقول لك ” قومي عايز حقي”.

فين كلام الحب الراقي اللي يليق بعلاقه ربنا كرمها و ذكر انها من اعظم مكافآت المؤمنين في الجنه في آيه تصف حال اهل الجنه بانهم “في شغل فاكهون”؟!

ليه اهل الدنيا بيبوظوا الجمال ده؟!

ليه مفيش زوج بيقول لزوجته بعد حضن جميل و ناعم و دافي مثلا ” حضنك اجمل نعمه في حياتي”او ” انت الحب كله ” و بالتالي لما يبتدي يداعبها و يطبطب عليها و يقبلها هيلاقيها مقبله و سعيده و راغبه.

ليه الفظاظه بتاعة ” يالا “؟!!

صدقت الزوجه لما بتقول ” انا مش ملعونه اسلوبه هو اللي ملعون”.

مش هاقول فيه حد يشتم مراته في لحظة غضب كلمه بحرف الشين ؟ هاقول ” فيه حد يشتم مراته اساسا ؟”.

العلاقه الحميمه علاقه كريمه و تطلب بكرم و ادب و تمنح ايضا بكرم و ادب و سخاء و ليس لها اسلوب اخر يليق بها.

و عشان العلاقه دي تنجح بين زوجين فلازم الزوجين يعرفوا ان الاهم من وقت العلاقه نفسها كل دقيقة حياه بين الاتنين .

يعني لازم يكون فيه تواصل بين زوجين و ادب و احترام في كل تفاصيل اليوم عشان في اخر اليوم يبقى فيه رصيد من الحب و الود و الرحمه يسمح بالقرب بين الزوجين في العلاقه الكريمه دي.

و نقصد بكلمة علاقه كريمه انها علاقة منح متبادل للحب بين اتنين محبين بكل سخاء.

رزق الله كل زوجين بحسن التواصل و الانسجام.

 

*كل تفاصيل الحياه الزوجيه محتاجه تدريب و تعليم راقي. و مؤسستنا متصدره لتعليم كل زوجين كل تفاصيل الحياه اللي تخليهم في حالة انسجام و سعاده.

للتدريب على الانسجام في العلاقه الحسيه بين زوجين اطلب الاونلاين كورس ” الانسجام الحسي” .

 

 

 

Share on facebook
Facebook
Share on whatsapp
WhatsApp
Share on twitter
Twitter
Share on linkedin
LinkedIn
Share on pinterest
Pinterest
هويدا الدمرداش

هويدا الدمرداش

هويدا الدمرداش – المستشارة في العلاقات الأسريه و مؤسسة إختبارات ما قبل الزواج SOY Premarital Assesments For Singels و
Harmony Premarital Assesment For Couples – تعد ألمع الأسماء المصريه التي تعمل في مجال الإستشارات الأسريه و التدريب. قامت هويدا بمساعدة آلاف الأفراد و تدريبهم على كيفية التواصل مع الآخرين بكفاءه في مجال الأسره و على النطاق الشخصي. و قامت برصد كل ما قامت بتطبيقه في دراسات الحاله التي تعرضت لها مما جعل منها الاسم الأول في مجال التطبيقات الخاصه بالأسره. وتعد مؤسسة هويدا الدمرداش للإستشارات الأسرية آعرق مؤسسة في هذا المجال في مصر و الوطن العربي.

الخدمات الي بنقدمها للمتجوزين

ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

استشارات زوجية - HD

انت متجوز عشان تدلع. يعني عايز تحب و تتحب. ده جميل بس الحياه بتحدياتها بتخلي حتى المتجوزين عن حب يفقدوا طعم الانسجام الحلو اللي ابتدوا به. كل اتنين محتاجين يقعدوا مع خبير من خبراؤنا عشان يرصدوا التحديات اللي بيوجهوها باحتراف ويطلعوا بخطه للحل. ما تقلقوش لاننا بخبرتنا عارفين كل اللي بيمر به اي زوجين في كل محطة تحدي رصدناها بين الأزواج و عارفين نعمل لهم صيانه ازاي و نجدد العلاقه بينهم مهما مروا بتحديات
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

HD - Online Workshops For Married Couples
" Family Diploma "

الدبلومه دي حضرها الاف المتجوزين و غيرت حياتهم 180 درجه. لو فيه بينكم مشكلة تواصل او بينكم و بين اهل الزوج او الزوجه او بينكم و بين ولادكم فالتدريب في الدبلومه هيكشف لك كل اسرار التواصل اللي انت محتاج تتعلمها. التدريب كمان بيساعدكم تتخلصوا من ذكرى اي الم حصل في الماضي زي خيانه زوجيه او صراعات طفوله او قصة حب قديمه مؤلمه او اي صراع حصل في الماضي و مش عارف تتصالح معه
ليله الدخله, الحياه الزوجيه, الخيانه الزوجيه,ليله الزفاف, ليله الدخله بالاسلام, العلاقة الزوجية, الزواج السعيد,السعادة الزوجية, تربيه الأطفال, مشاكل زوجيه, اسباب الطلاق, فترة الخطوبه, نصائح للمقبلين علي الزواج, هويدا الدمرداش

الانسجام الحسي
HD Islamic Sexual Education

نجاح العلاقه الحميمه بين الزوجين مهم جدا لنجاح العلاقه ككل. ده تدريب خاص بكل زوجين عشان يوصلوا للانسجام الحسي المطلوب. بدل ما تتهم شريك حياتك بالبرود و انه مش حاسس بيك. واجه المشكله و اتعلم تعمل ايه معه عشان تعرف تكسبه انه يهتم بالعلاقه الحميمه معك و تقدر توصل معه لاعلى انسجام حسي ممكن